ماه اسپهر ولا،زاده ی سلطان نجف
ساقی آل علی،گوهر دریای شرف
یل و ارتشبد و سرلشگر عالیّه هدف
اگلشوب زین عقاب اوسته او سردار متین
دایانوب کفره مقابل،پسر امّ بنین
باشلادی محضرِ داداره ازل حمد و ثنا
صورا یوز دوتدی او سایسیز قوشونا ماه ولا
برق چشمیله ویروب صاعقه،چون تیغ دوتا
مثل گهواره سالوب لرزه یه اول میدانی
جنگ صفیّنی گورنلر،تانیوب مولانی
دیدی ای کوفه لیلر عشق مرامیمدی منیم
مرتضی اوغلی حسین،میر و امامیمدی منیم
من اونون نوکری،شهلرده غلامیمدی منیم
هربلا گلسه بلی،سویلموشم لا دئمه رم
جز حسین بن علی،هئچ کیمه مولا دئمه رم
دیدی ای دینینی دنیایه ساتان کوفه لیلر
خواب غفلتده،جهالتده یاتان کوفه لیلر
فاطمه اوغلونا اوچ پر اوخ آتان کوفه لیلر
التماسیله او شاهنشهی دعوت ائلدوز
اُف اولا غیرتیزه، یاخشی حمایت ائلدوز
منه روشن ائلیون بس ندی بو نامه لریز
نیلدوخ،اوچ پر اوخا دوندی بو گون خامه لریز
تاج شیطاندی او باشلارداکی عمّامه لریز
بُتلاری کعبه ده سیندیردی آتام شیر خدا
بت تراشی ائلیورسیز گینه،یاللعجبا
او خلیفه که گئیوبدی،بابامین جامه سینی
من اوگون عزتیله،جیردیم امان نامه سینی
پیلدوم دهریده من مرکب خودکامه سینی
پخش ائدوب شامیده افلاکه مئین رایحه سین
رهبری که اولا می خواره،اوخون فاتحه سین
وزرا خائن اولار رهبری گر ظالم اولا
عدل و داد ایستیر اگر مملکتی سالم اولا
وای اوگون تخت نبی غارتِ ناعالم اولا
بو مسلّمدی صداقت ایاق آلتوندا قالار
بیربیرین قولتوقونا قوش کیمی اُمت سیخیلار
جبههٔ باطل و حقده آقامون یاوریم
بلی قربان بیر حسینه دئموشم نوکریم
زینبون قارداشیام،فاطمیم حیدریم
پیشمرگم بالاسی اصغره بو صحراده
باش وئرم باشیم اگیلمز،سپه بیداده
- پنج شنبه
- 30
- بهمن
- 1399
- ساعت
- 23:14
- نوشته شده توسط
- یوسف اکبری
- شاعر:
-
مجید قلعه بیگی
ارسال دیدگاه