یات ای غم غصه لردن دینجلن مظلوم آنام(بابام)وای
بیزه خاطرجهانداغم چکن مغموم آنام(بابام)وای
نه تئزعمره دویوبسان
بیزی آغلارقویوبسان
علاقه رختینی سن
نیه تندن سویوبسان
وفالی ننم،،،حیالی ننم
سنه لای لایی چالّام
صفالی ننم،،نوالی ننم
غمونده قاره سالّام
قالوبدی قلب ائوینده خاطراتون یادگاری
یادا دوشجک اوشاقلار ایلیوللر آه وزاری
اجل بیزدن سنی آلدی آپاردی مهربانیم
یارالی قلبیمون سندنصورا یوخدور قراری
آی تک باتدون عزیزیم
بیزی آتدون عزیزیم
مزارون ایچره منسیز
نئجه یاتدون عزیزیم
وفالی ننم،،،حیالی ننم
سنه لای لایی چالّام
صفالی ننم،،،نوالی ننم
غمونده قاره سالّام
گوزآچ بیرباخ اوشاقلارون نه زارو دلغمیندی
آناسیزلیق غمی هربیرمصیبتدن چتیندی
داخی سندنصورا یوخ اِمّیزون ذره صفاسی
غم ومحنت همیشه قیزلاروندان همنشیندی
یانورسینَم اِلَمدن
اوزولدی اَل ننمدن
ندورچاره م الهــــے
بئلیم سیندی بوغمدن
وفالی ننم،،،حیالی ننم
سنه لای لایی چالّام
صفالی ننم،،،،نوالی ننم
غمونده قاره سالّام
- شنبه
- 9
- اسفند
- 1399
- ساعت
- 10:45
- نوشته شده توسط
- یوسف اکبری
- شاعر:
-
محمدرضا محمدی (ناعم)
ارسال دیدگاه