قارداش گیدوسن میدانه
غم زینبی گتدی جانه
آیریلدون حسین قیزلاردان
قالدی هامی یانه یانه
ایاق ساخلا دایان حسین جان
نه تز دویدون بالالاروندان
زینب گیدن یولووا قربان
حسین یارالاریوا قربان
سوسوز بالالاریوا قربان
دوتدون دیله قیزلاریوی
قارداش او سوسوزلاریوی
حالی پوزولوب زینبین
سال بوینوما قوللاریوی
اگلش باشیوا بیر دولانیم
ایکاش حسین چخیدی جانیم
فراقیوا نجه دایانیم
حسین یارالاریوا قربان
سوسوز بالالاریوا قربان
ای زینبین آرامی دور
قان اولدی بو گوز جامی دور
ایوای بابا وای ناله سی
دولدوردی بو اخیامی دور
رقیه وی آل بیر قوجاقه
چتیندی آیریلیق اوشاقه
دوزنموری حسین فراقه
حسین یارالاریوا قربان
سوسوز بالالاریوا قربان
سن راهی بو میدانسان
آخر بولارا مهمانسان
قربانین اولوم آی قارداش
اوچ گوندی سوسوزسان آجسان
هیچ بیر بولود بو نوعی دولماز
فراقیوا دایانماق اولماز
گوزوم نجه سرشکه دولماز
حسین یارالاریوا قربان
سوسوز بالالاریوا قربان
هجرونده بیزی یاندیردون
گوز جامیلرین دولدوردون
اولاد علینی قارداش
بس کیملره سن تاپشوردون
الیوی سینمه یاپیشدیر
غمونده آز بیزی آلیشدیر
حسین ربابی بیر دانیشدیر
حسین یارالاریوا قربان
سوسوز بالالاریوا قربان
یاننام بو غم و آلامه
سر خِیلم اوزوم ایتامه
سویله گوروم آنام اوغلی
بیرده گلیسن اخیامه
قارداش گیدن گلمور خیامه
لعنت گله بو اهل شامه
رحم ایلمز سن تک امامه
حسین یارالاریوا قربان
سوسوز بالالاریوا قربان
ای پادشه انس و جان
گل آدیوا جانیم قربان
بو ایلده بیزی سن ایله
ششگوشه مزاره مهمان
(جلال) اولوب بو شعره بانی
عزیز اولا او نوحه خوانی
(بیکَس) یازوب بیله بیانی
حسین یارالاریوا قربان
سوسوز بالالاریوا قربان
- شنبه
- 23
- اسفند
- 1399
- ساعت
- 12:52
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه