زینب ای غُنچه ی باغ رضوان
آدیوا شیعه نین جانی قربان
زاده ی کوثر/ ای زینَتِ حیدر/عالَم سنی سَسلر
زینب زینب
دُختِ مولا سن/عالمده یکتاسن/مانند زهراسن
زینب زینب
عشقیزه من اَزَلدن مُبتَلایم
افتخاریم بودور سیزه گدایم
یا زینب 4
آستانوندا شَهلَر گدادی
گول آدون واقعاً با صفادی
ذکرِ هر لَب سن/رخشنده کوکب سن/ الحق کی زینب سن
زینب زینب
ماهِ اَنوَرسن/صولَتده حیدر سن/قارداشه یاور سن
زینب زینب
ای حسین عاشقی یوخدور نَظیرون
دهریده چوخلاری اولدی اَسیرون
یا زینب 4
هاردا گَلسه حسین آدی وارسان
کیم دیسه یا خسین تز باخارسان
ای شَریکِ غَم/قارداشینا هَمدَم/فَخرِ بَنی آدم
زینب زینب
ای مَهِ تابان /صبری قویان حیران/جانلار سنه قربان
زینب زینب
اولماسیدون اگر روزِ خَطرده
کربلا نهضتی قالمازدی یرده
یا زینب 4
گور بو عاشقلرین بیر فَغانین
باغلانوب یوللاری کربلانین
عمّه ی سادات/ ای قبله ی حاجات/عُشّاقی آز آغلات
زینب زینب
غَم گلوب جوشه /یوخ اَلده بیر توشه/یاز قبرِ ششگوشه
زینب زینب
رفعِ غم ایله هر مُبتلادن
دویماروخ تا اَبَد کربلادن
یا زینب 4
- یکشنبه
- 24
- اسفند
- 1399
- ساعت
- 23:16
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه