ای گل رضوان/قلبیم اولدی قان
تک قالار حیدر/گیتمه زهرا جان
محفلیم خراب اولور ای صفای منزلیم
فاطمه بیر آز دایان اود دوتوب یانور دیلیم
فاطمه عم اوغلووام
ای وفاداریم /یار و غمخواریم
دویموسان مندن/خسته دلداریم
ممکن اولسا صبر ایله خیردادی بالالارون
گیتماقا تَلَسمه چوخ توختاسین یارالارون
فاطمه عم اوغلووام
ای حیا کانی/حیدرین جانی
آلدی آرامون/ظلموله ثانی
قانیله قاتوب عدو گوزده اشک آلیمی
وای منه کیمه دیوم دوگدولر عیالیمی
فاطمه عم اوغلووام
ای گل طاها/یار مَه سیما
زینبه خاطر /آغلاما زهرا
حیدرین یامان گونی سن کی سدّ سیلی سن
دوتموسان یوزون ندن اولمیه گیلیلی سن
فاطمه عم اوغلووام
ای صفای دل/زینت محفل
یاندیریر قلبی/بیر آغیر نیسگیل
وار یری سرشکیمی قلب قانینه قاتا
کیم گوروبدی بیر خانیم مَحرمیندن اوز دوتا
فاطمه عم اوغلووام
ای منه جانان/ایلمه افغان
دردیوه نیلیم/اولمادی درمان
غمدن اوزگه سی بیزی بوردا یاده سالمادی
حیدری گذشت ایله حقّیوی آلانمادی
فاطمه عم اوغلووام
دیل یانور غمدن/سوز ماتمدن
سن بولورسن من/دویمادیم سندن
موج غم بو قلبیمی سالدی چوخ تلاطمه
(بیکَسم)عم اوغلووی گوزدن آتما فاطمه
فاطمه عم اوغلووام
- دوشنبه
- 25
- اسفند
- 1399
- ساعت
- 22:42
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه