ای فاطمه نین دلداری/وار منده ئولوم آثاری
گل سایه وی سال باشیمه /دیندیر یارالی بیماری
عم اوغلی دوزدی من مریضم
بابام ئولندن اشکریزم
ولی ایونده بیر کنیزم
مظلوم علی مظلوم عم اوغلی
من ایلمرم شکایت/ای صاحب شأن و عزّت
هر ایش کی گوروبدی زهرا/هرگز سنه وورماز منّت
ایندی علی جان اوستیم من
از بس دویوبلر خستیم من
امّا سنه دلبستیم من
مظلوم علی مظلوم عم اوغلی
ماه شب تاریم سن سن/قلبیمده قراریم سن سن
نیلور فدکی فاطمه/چون دار و نداریم سن سن
ای عالمه صفا عم اوغلی
اوزوم سنه فدا عم اوغلی
چوخ ایلمه نوا عم اوغلی
مظلوم علی مظلوم عم اوغلی
ظلمیله یانوب درگاهیم
اوج ایلدی عرشه آهیم
قانه بویادی میخ در
آخر نَییدی گناهیم
ایوده منی ثانی دوینده
ضعف ایلدیم محسن ئولنده
یاندیم قولون باغلی گورنده
مظلوم علی مظلوم عم اوغلی
عمروم یتیشیب پایانه/غملر گتوروبدی جانه
قاخسیدی قولوم زینبین/زلفونه ووراردیم شانه
عمروم گولی سولوب عم اوغلی
منه اولان اولوب عم اوغلی
گوزون نیه دولوب عم اوغلی
مظلوم علی مظلوم عم اوغلی
ای حجّت حیّ یکتا/آز آغلا منی یاندیرما
ئولسم بو گجه لطف ایله/بو خواهشیمی قیل اجرا
مواظب اول بو لاله زاره
سرشکی توکمه سن عذاره
گجه آپار منی مزاره
مظلوم علی مظلوم عم اوغلی
(بیکَس) اَلی بوشدی افسوس/گَل ایتمه اونی سن مأیوس
احسان ایله بیر لطفیله/روزی اولا بیرده پابوس
اگرچه یوخدی بیر صفاسی
حسینیوین اولوب گداسی
باشیندا وار بقیع هواسی
مظلوم علی مظلوم عم اوغلی
- چهارشنبه
- 27
- اسفند
- 1399
- ساعت
- 21:41
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه