ایلیوب کَرم گینه حقِ یکتا
قدرتین عیان ایدوب اولوب غوغا
یثرب اولدی رشک جنّت اعلا
یار با وفا گلوبدی/حضرت رضا گلوبدی
(بیر گُل خوشبودی****ضامن آهودی)
حیرته سالوب جمالی آفاقی
باده ی ولایته اولوب ساقی
مست ایدوب شراب عشقی عشّاقی
عشقی قلبیده نهاندی/سرور جهانیاندی
(سرو دل آرادی ****بیزلره مولادی)
(بیر گُل خوشبودی****ضامن آهودی)
آفتاب هشتم هدایت دی
اهل عالمه نشان رحمت دی
شیعیانه گُل آدی شرافت دی
معدن لطف و عطادی/بو غریب الغربادی
(یار ضعیفاندی****دردلره درماندی)
(بیر گُل خوشبودی****ضامن آهودی)
نجمه نین ایوین ایدوبدی نورانی
اهل آسمان اولوبدی حیرانی
مشهد ایلیوبدی جنّت ایرانی
بو گوزل نگاریمیزدی/باعث وقاریمیزدی
(حجّت یزداندی*****شاه خراساندی)
بیر گُل خوشبودی****ضامن آهودی)
مایه ی شرفدی نام دلجوسی
ایتمرم بهشتیله عوض طوسی
قسمتیمده کاش اولیدی پابوسی
ای سلیل پاک احمد/باشدا وارهوای مشهد
(سرور دوراندی****معدن احساندی)
(بیر گُل خوشبودی****ضامن آهودی)
بیر غریب و (بیکَس) و گرفتارم
واردی بیر غمیم اورکده بیمارم
بیر نولور گورم دوباره زوّارم
شه غلامین آقا قوغماز/سائلی بوش یولا سالماز
(شاه گدا پرور****عالمه ای سرور)
(بیر گُل خوشبودی****ضامن آهودی)
- جمعه
- 29
- اسفند
- 1399
- ساعت
- 21:44
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه