• پنج شنبه 9 فروردین 03

 مهدی عبادی(بیکس)

داستانی کوتاه از ولادت و جلالت حضرت امام محمد باقر(ع) -(بو امری عشق ایلیوبدور سحر منه صادر)

421

بو اَمری عشق ایلیوبدور سَحَر منه صادر
یازام عریضَمه من، نامِ حضرت باقر (ع)

گویول قوشی پَر آچوب یَثرِبون ولایتینه
تیکوبدی گوز، اوره گیم حضرتین عنایتینه

ولادتی یازیلوب، مختلف، زمانلاردا
ولی رجب آیی رُجحانی وار، بَیانلاردا

طلوعِ ماهِ رجبده بونور اولوب طالِع
اولوبدی نورِ جَمالی فَلَک لره ساطِع

آتاسی حضرت سجّادیدی شَهِ والا
جَهاندا بَنده لَرین زینتی، امامِ هُدا

آناسینین آدینی ایسته سَن اگر بولَه سَن
جنابِ فاطمه دی، دخترِ امامِ حَسن

حُسینیله حَسنی، دستِ خالقِ قادر
یتیردی بیر بیرینه، اولدی حضرتِ باقر (ع)

قَدم قویاندا یره اُول شَهِ فَلَک درگاه
بویوردی اَشهَد اَن لا اله الا الله

ویروب شهادت اودَم جَدّینین رسالتینه
خبر ویروبدی صورا، دهریده امامتینه

آدین قویوبلا محمّد، امامِ عالَمیان
لَقَبده شاکِر و باقِردی، بَحرِ علمی یاران

دوتوبدی فَضلی جَهانی، گوزون آچان دَمدن
قوتاردی اَهلِ ولانی، جهاندا هر غَمدن

یِتَنده سینّی اوچه یا کی دورده بولمورم امّا
گیدوبدی جَدّی حُسینیله، سویِ دشتِ بَلا

نَچون ولادتیدی، یازمیرام مُصیبتینی
دوشوبدی فکریمه بیر، نَقل ایدَم جَلالتینی

اَسیر اولوبدی خانیم زینبیله، دیلده هَدف
سینیق کَجاوه لر اوستونده گیتدی شامه طَرف

یَزید ایدوبدی فُزون دیلده مُحنت و رَنجی
قوراندا مَجلسِ شُرب و قمار و شَطرَنجی

سوروشدی دوره ده کی اَگلَشَن اَجامیردن
آلوبدی مشورت اُول هَمرَهانِ کافِردن

دیون گوروم نجه من طَبلِ افتخاری چالیم
بَناتِ فاطمه دن، انتقامِ بَدری آلیم؟

جواب ویردی اودم نچّه کافِر ِ اَرذَل
تَمامیسین بولارین ئولدوروب داخی دینجَل

پیمبَر عترتینون حُکمی اولمامیش صادر
دوروب اَیاقه اودَم شَخصِ حضرتِ باقر ع

کیچیکده اولسا ولی حُجّتِ خدا دانیشوب
ایله دانیشدی گمان، شاهِ لافَتی دانیشوب

دیدی یزید، بو اَندازه ظُلمی ای پَلید ایلدون
بو قَدری ظُلموله، فرعونی روسفید ایلدون

دوتوبدی دوره وی بیر نچّه نُطفه ی ناپاک
دیولّه ایلیه سَن آلِ مُصطفانی هلاک

بولارکی مَستِ شَراب و خُمارِ باده دیلَر
یقین ایله کی بولاردا، حرام زاده دیلَر

جهاندا سَن کیمی بی دین بو مَطلَبی بولمَز
حرام زاده دن اوزگه، امامین ئولدورمَز

گوروب یزیدِ دَغا، مَنطقِ شَرر بارین
عوض ایدوبدی اودَم طرزِ نُطق و گفتارین

دیدی بو اوغلومونان گَل گولَش گوروم سیزی من
یخان زماندا سنی خالده دیوم اَحسَن

بویوردی حضرتِ باقر، گولَشمَرَم امّا
اونیله جَنگ ایدَرم، منده یوخدی چون پَروا

ویرون منه، هم اونا، تیغِ تیز و آتَشبار
گورون من اوندا نجه، ایلَرَم بوگون پیکار

بولوب یزید، کی ایتمَز عَبَث یره اصرار
دامارلاریندا اونون، چونکی حیدرین قانی وار

اولوبدی مُنصَرف اُول اَمریدن، یزیدِ شَریر
وَلیک بولمه دی وار اَلده خامه ی تقریر

اَلیمده پای مَلَخ، مور تک سلیمانه
گَتیرمیشَم باخا بو نوکره بو عنوانه

امامِ باقره چون دیلده اوزگه عشقیم وار
گَلَنده آدی اودور، کَربلانی یاده سالار

همیشه واردی گوزوم حضرتین عنایتینه
نولور چاغیرسا منی جَدّینون زیارتینه

زیارت عشقینه (بیکَس) بو سوزلری یازدی
ئولونجه یازسام اگر، بیر جَلالَتین آزدی

  • یکشنبه
  • 1
  • فروردین
  • 1400
  • ساعت
  • 15:45
  • نوشته شده توسط
  • یوسف اکبری

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران