ییخیلوب دی علی باشی سجده ده دی
قان دولوب گؤزونه یوزی قبله ده دی
ایشینی ضربت قوتاریب الله
باشینی قان آپاریب الله
آتا یا حیدر - آتا یا حیدر
عمرینون شیشیه سی دگدی غم داشینا
آیریلیق یاراسین ووردولار باشینا
طاقتِ جانین او یارا آلدی
زینبین ایشین مشکله سالدی
آتا یا حیدر - آتا یا حیدر
باجی زینب آتام یئرینی راحت ائت
فاطمه عوضی نچه دم صحبت ائت
ئورگین دشمن غمیلن بؤلدی
باجی مسجدده آتامیز ئولدی
آتا یا حیدر - آتا یا حیدر
ننه مین قاره سین باجی سال باشیوا
آغلییب سس قوشان یوخدو قارداشیوا
تیر محنت لر ئورگیم دَلدی
نه آتام دووردی نه آنام گلدی
آتا یا حیدر - آتا یا حیدر
- چهارشنبه
- 4
- فروردین
- 1400
- ساعت
- 21:12
- نوشته شده توسط
- یوسف اکبری
- شاعر:
-
امین اسماعیل زاده ماکوئی
ارسال دیدگاه