احمد اولادینی الله اؤزی معصوم ائلدی
ظلم دورانیدی معصوم لاری مظلوم ائلدی
منده جدّیم کیمی اؤز خالقیمین بنده‌سیم
حافظ دین خدا،یئرده نماینده‌سیم
علم و دانش لرین عالمده شکافنده‌سیم
علمالر آدیمی باقره موسوم ائلدی
قله ی معرفته من که قدومی قویانام
تشنه اسرار حقه اهل علومی قویانام
علمِ محفوظیمه حیرتده عمومی قویانام
یولونی علم گزن لر منه مختوم ائلدی
اولویت بیزه ظالم لری سیندیرماغیدی
مشعل معرفتی امتّه یاندیرماغیدی
جهدیمیز جامعه ده خلقی اویاندیرماغیدی
بیز چالیشدیقجا بیزی خلق اؤزی محکوم ائلدی
جدّیمه جان ددیلر وئرمدیلر باشلارینی
ظلمیلن توکدی جماعت یوزه گؤز یاشلارینی
ووردولار جامِ ولایه نقدر داشلارینی
امت اهلی اؤزونی جهلیله محروم ائلدی
من اوشاقلیخدان ائله جور و جفا گؤردوم اؤزوم
واردی اوچ سنّیم او وقت کرببلا گؤردوم اؤزوم
یاغدی بارش کیمی باشلاره بلا گؤردوم اؤزوم
جسم حقّانیتی قان اؤزی معلوم ائلدی
ظلمین آلِ حقیلن عرشه دایاندیردی عدو
کربلا پادشهین قانه بویاندیردی عدو
خیمه ی عترتی افراطیله یاندیردی عدو
برگ تاریخه او عصیانلاری مرقوم ائلدی
آتا قارداشی ئولوب چاتمادی هئچ داد آتاما
اود آراسیندا بیری ائتمدی امداد آتاما
یاندی قلبیم او کسالت ده کی سجاد آتاما
جسمی تک روحینی بیداد اَلی مصدوم ائلدی
دردیمون اولمادی هئچ وقتیده هئچ کیم بیلَنی
گؤرمویوب کیمسه عداوت گونونی من گؤرنی
آتامی ئولدورَن اَل ایندی بو یورقون بدنی
گلدی بیر خصمیله آخر گئنه مسموم ائلدی
قاپیدان کئچدی سؤزوم دوشدی دوباره دالانا
آز قالیر گؤز کاساسی اشک غمیلن جالانا
سؤز اولار آغلامالی بلکه پیامین آلانا
اشکیلن عشق امامت سؤزی ملزوم ائلدی
- چهارشنبه
- 4
- فروردین
- 1400
- ساعت
- 21:29
- نوشته شده توسط
- یوسف اکبری
- شاعر:
-
امین اسماعیل زاده ماکوئی
ارسال دیدگاه