بیر شاه واردی خادم درباریَم اونون
مفتونِ لعلِ لجّه ی گفتاریَم اونون
من سلطنتِ یوسف زهرایه عاشقم
حسرت کشِ آیینه‌ی رخساریَم اونون
گؤرسیدی بو مهپاره‌نی گر شهر عشقیده
یوسف دییردی یوسفِ بازاریم اونون
بازاره چکممیشدی اونی خالقِ ازل
عالم دئدی یارب کی خریداریَم اونون
بی انتها جهانی خالیم گَزَر اونی
زولفونده گِره خورده گرفتاریم اونون
نا لایقم آتماز منی هر چند او مقتدا
اول گول منب خوش جلوه ئرر خاریَم اونون
هجرینده یانان عشقیله مین‌لر جه شعله‌دن
بیر شمع شب افروز شررباریَم اونون
زندان انتظاریده روحیم سایار گونی
من منتظر وعده ی دیداریَم اونون
یول گؤزلمقه وقفیدی بو عُمر و زندگی
جان اوستونه‌جک تابع معیاریَم اونون
وقت فرجینده گؤره‌جق اهل ادّعا
عشقیله فدای رَه ایثاریم اونون
هیهات اولا لطف اِیلدیقی قابل جبران
بیر عُمر اونا وئرسم‌ده بدهکاریَم اونون
دیل خوشدی طبابت اولا اربابین اَلیندن
درمان هوسی سینه‌ده بیماریَم اونون
محشرده سؤال اولسا نئدیر توشه اَلینده
عرض إیله «امین» کاتب اشعاریَم اونون
- چهارشنبه
- 4
- فروردین
- 1400
- ساعت
- 22:13
- نوشته شده توسط
- یوسف اکبری
- شاعر:
-
امین اسماعیل زاده ماکوئی
ارسال دیدگاه