وار سلامیم اول شهیدانه کی فخر بنده‌دی
وار سلامیم خونِ پاکانه کی انگیزنده‌دی
وار سلامیم جانفدایانِ امام و مکتبه
مکتبی کی قرن‌لردی نهضت پاینده‌دی
وار سلامیم غیرت اوستونده گئدن اول باشلارا
باشلاری کی تن‌لری چون گوهر ارزنده‌دی
وار سلامیم انقلابی ساخلیان عاشقلره
پاسدارانی کی گون تک ایزلری تابنده‌دی
وار سلامیم لشکر دلداده‌نین سردارینه
اول امیری کی نگاهی خصمی ترساننده‌دی
آفرین اولسون هزاران ای سلیمانی سنه
سایه‌ی لطفونده ایندی شیعیان ایمنده‌دی
وصل اولوبدور اوج پروازین شهادت بامینه
صحنه‌ی ایثاریوه چشم جهان بیننده‌دی
بیر صدا سالمیش کی گوشِ عالمه جان وئرمقین
صوتِ لبیکوندن اسکتبار ائوی لرزنده‌دی
دوزدی مظلوم ئولمقین چوخ سینه‌نی داغلاندیریب
شیعه‌نین آهی ولی بیر آتش سوزنده‌دی
بیلمیور دشمن کی خاطردن سیلنمزدیر آدین
ئولسه‌ده قاسم سلیمانی وجودی زنده‌دی
آند اولا خاک عراقی ایسلادان القانیوه
بر دهانِ قاتلانون مُشتیمیز کوبنده‌دی
سن رکابِ شاه مظلومانیده اولدون شهید
شاهیوه اولسون قسم ایران هامی رزمنده‌دی
انتقامون آلماقا یکسر زره‌پوش اولموشوق
فرقی یوخ پیر و جوان بو جبهه‌ده جنگنده‌دی
غیرتون شمشیریمیز‌دی،عزتون جوشن بیزه
بو نبرده کل دنیاده گله بازنده‌دی
ایندی کی اولموش فراهم کربلای عاشقی
ایندی کی امر ظهورین ابری ده بارنده‌دی
سن دعا ایله وصالین یوللاری هموار اولا
حجت عصرین وجودین شیعه‌لر خواهنده‌دی
شیعیان منتظر انبوهیدور ایرانیده
شام و لبنان و یمن ده دیللر آشوبنده‌دی
وئرسه فرمان جهادی رهبریم سید علی
دشمنین اردوسی والله باغلانان پرونده‌دی
روحیوه من بیر حماسه نقدی تقدیم ایلورم
قلبیم اما شوقیله قان آلماقا آکنده‌دی
- چهارشنبه
- 4
- فروردین
- 1400
- ساعت
- 22:23
- نوشته شده توسط
- یوسف اکبری
- شاعر:
-
امین اسماعیل زاده ماکوئی
ارسال دیدگاه