آی آنام آی گئجه لر زحمتیمین قادداشانی
آی آنام آی اولان عالمده محبت نشانی
اللریمنن یاپیشان اللریوا قوربان اولوم
گئجه لر لای لا دیین دیللریوا قوربان اولوم
آی محبت بولاغیم،آی ماراقیم آی دایاغیم
آی قارانلیق گئجه لرده بیر ایشیقلی چراغیم
منه باخ بوللی محبتله باخیش محتاجیام
بیر کویرم آنا ایللردی یاغیش محتاجیام
نه یازیم شانیوه سن گویده چیخان آی سان آنا
تانریدان بیزلره بیر بذل اولونان پای سان آنا
هارا گئتسن گوزومون اوسته سنه یئر سالارام
کیپریگیمله بو گوز اوسته سنه لای لای چالارام
چاره سیز دردیمه مهرون یئنه درماندی آنا
اولموشام گوزلریوون یولچوسی چوخداندی آنا
- یکشنبه
- 8
- فروردین
- 1400
- ساعت
- 11:56
- نوشته شده توسط
- یوسف اکبری
- شاعر:
-
محمد حیدری امندی
ارسال دیدگاه