آشنانی ساتمیون بیگانیه
مِفرغی اوخشاتمیون دُر دانیهمکتب عرفاندا تحصیل ایله سوز
قویمیون بیگانه نی میخانیه
سوز و ساز عشقه قائل سوز اگر
یانماقی عزّت بیلون پَروانیه
معرفت مُشتاقی اولسوز دهریده
گُولمیون ، داش ورمیون دیوانیه
اولمیون دلبسته کاذب شُهرته
گوهری دفن ایتمیون ویرانیه
گر ولائی سوز خیانت ایتمیون
می فروش و ساقی و پیمانیه
نینوا بازارینون عشق آل ویرین
نا روا دُوندَرمیون افسانیه
آختارون گیسویِ اَیتامی تاپون
قویمیون حسرتده قالسون شانیه
زاهد اولماقدان قاباق انسان اولون
اَل تاپون عَبدیّتِ عرفانیه
خادمِ خَلقَه ویرللَر جَنّتی
نَه ، نماز و سَجدۀ طولانیه
- شنبه
- 14
- فروردین
- 1400
- ساعت
- 22:43
- نوشته شده توسط
- یوسف اکبری
- شاعر:
-
سید تقی سیفی اردبیلی
ارسال دیدگاه