یا حضرت معصومه صفا وار حرمونده
زائرلریوه حال دعا وار حرمونده
شأنون اوجادی گورمه‌لی گلدسته‌لرونتک
نور اهلی گورر نور خدا وار حرمونده
قوم شهرینه گوندور او قیزیل گنبدون الحق
آیدان گوزل ایوان طلا وار حرمونده
عطرون بورويوب هرياني موسي گلي‌سن سن
قربانون اولوم عطر رضا وار حرمونده
درد اهلی سنی سسلنور آللهدان آشاقی
درمانسیز اولان درده دوا وار حرمونده
شاهنشه لطفين قيزي‌سان ايله كرم، باخ
تك من دگولم چوخلو گدا وار حرمونده
ای کاش، اولایدیم قاپووین خادمی منده
خادم¬لريوه لطف و عطا وار حرمونده
اي كاش گویرچین‌کیمی صحنونده اوچایدیم
جنت کیمی بیر عالی فضا وار حرمونده
جنت‌ده «بشیر»ین یادینا دوشموری بوردا
یا حضرت معصومه صفا وار حرمونده
- پنج شنبه
- 19
- فروردین
- 1400
- ساعت
- 12:27
- نوشته شده توسط
- یوسف اکبری
- شاعر:
-
سیدبشیر حسینی میانجی
ارسال دیدگاه