یا فاطمه ضیافت دلداره دعوتم
دشت بلاده قانلی چمنزاره دعوتم
باشی بلالی اوغلووی دور ایله بدرقه
من بو گجه بلاکدهء یاره دعوتم
بو بیر سفردی گتمگی وار بازگشتی یوخ
گون تک عیانیدور کی شب تاره دعوتم
بللی دگول کی کیم قییده کیم قییدمیه
هر بیر قدمده محنت بسیاره دعوتم
گلدیم بقیعده عطرون آلوب مست اولوب گدم
فصل خزاندا معنوی گلزاره دعوتم
نامه یازوبدیلار ادب و احترامیلن
شخصا ادای بیعت انصاره دعوتم
بیلمم بونامه لرده نه وار ! غم گلورمنه
طوفانلی چولده ساحل غمباره دعوتم
امضالرینده حس ائدورم بوی غارتی
من شعله شعله آتش اشراره دعوتم
پروردگار خیر ائلسون بو قوناقلیقی
زینب باجیملا مجلس اغیاره دعوتم
اوچ گون دوام ائدوب دوزرم آج سوسوزلیقا
چون قتلگهده سفرۀ افطاره دعوتم
- چهارشنبه
- 25
- فروردین
- 1400
- ساعت
- 15:44
- نوشته شده توسط
- یوسف اکبری
- شاعر:
-
وفا منافی اردبیلی
ارسال دیدگاه