دل آچمیان بالام وای
سوسوز هزاره‌م ایوای
دیرم صبح اولونجا
سن یوخلیونجا لایلای
جان منیم دیلسیز بالام یات
بو گیجه سو فکرینی باشدان بالام آت
سینمی گهواره ایله
یوخ ربابین چاره‌سی اوغلوم آز آغلات
سو تاپیلمور خیمه‌لرده
بو گیجه اهل حرم یکسر سوسوزدی
هم رقیّه - هم سکینه
قارداشون حتّی علی‌اکبر سوسوزدی
گوزوم ضیاسی اصغر
اورک صفاسی اصغر
آز آغلا ایتمه ناله
گوزون فداسی اصغر
ای منیم مهپاره اوغلوم
بو سوسوزلوق دردینه یوخ چاره اوغلوم
قان آخور دیرناقلاروندان
سینمی از بس ایدوبسن یاره اوغلوم
خیمه‌گاهی چوخ دولاندیم
بیر ایچیم سو اولمادی بو غمده یاندیم
العطش قیزلار دیوردی
خالی مشگین گوردوم عبّاسین اوتاندیم
ای ربابین جانی لایلای
کربلانین خرداجا قربانی لایلای
اینجیمه بی‌کس آناندان
یوخ الیمده دردیوون درمانی لایلای
- سه شنبه
- 31
- فروردین
- 1400
- ساعت
- 17:52
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه