ثامن‌الحجج - ضامن غریبان
نور جاودان - افتخار ایران
حاجت آلماقا - یا امام هشتم
منده اولموشام - زائر خراسان
جدّون حسینون قورتولمامیش عزاسی
عرشه چکیلدی - پیغمبرین قراسی
هم مجتبانین برپادی بزم یاسی
فاطمه - گه ایدور ناله - سنه
گاه عزا دوتار اوغلی حسنه
جانلار صفاسی - یا ثامن‌الائمه
دردیم دواسی - یا ثامن‌الائمه
زهرا بالاسی - یا ثامن‌الائمه
ای منیم هامی - عزّت و وقاریم
صحن و گنبدون - باغ و لاله‌زاریم
اون بیر آی آقا - دوزموشم فراقه
شهر مشهده - تا دوشوب گذاریم
بیر مستمندم - چون خاکبوسه گلدیم
ایتدون عنایت بو ارض طوسه گلدیم
من پای‌بوسِ - شمس‌الشموسه گلدیم
قویمادون - منی حسرتده قالام
گلمیشم ایلیم عرض سلام (۲)
زائرین سالان - یاده اوچ مکاندا
بیر هراسیله - قبریدن دوراندا
بیر صراطیدن ردّ اولاندا - بیرده
نامه‌ی عمل - پخش اولان زماندا
بیر زائرم من - وار دلده سوز و سازیم
محشرده مولا - واردور سنه نیازیم
فردوس و جنّت سن‌سیز منه نه لازم
السّلام - یا غریب الغرباء
السلام - یا معین الضعفا
جانلار صفاسی - یا ثامن‌الائمه
دردیم دواسی - یا ثامن‌الائمه
زهرا بالاسی - یا ثامن‌الائمه
- پنج شنبه
- 2
- اردیبهشت
- 1400
- ساعت
- 13:20
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه