فرقتونده زهرا جان همچو شمع سوزانم
قبرون اوستونده تنها گوزی یاشلی نالانم
صبریمی الدن زهرا_غمِ هجرون آلوب
مرتضانی بیر باخ گور_نجه درده سالوب
منزلیم حتی سن سیز پوزولان بیر گلشندی
سسیمه سس ویر بیرده ای علینون دلبندی
دردیوه گیجه گوندوز آغلارام
باخارام قاپیما دل داغلارام
یادیمه دوشر پیوسته
ای همای پر بشکسته
یاننام آغلارام من دلخسته
بادهٔ جنایت دولدی
گلستان عمرون سولدی
پشت در بالام سقط اولدی
کینه خنجری قلبیم بُلدی
غسل ایدن ساعت بولدوم سنه من زینب جانی
نه جسارت ایتمیشدی کوچده ظالم ثانی
یوزووی نیلی گوردوم_دیدیم ایوای منه
سنی اسما ٔ شاهددی_نجه بوکدوم کفنه
بو مصیبت طاهانین آلدی جنتده صبرین
نسگلون گیتمز دلدن قالدی گیزلینده قبرون
مرتضی نجه ئولمز فاطمه
دردیوه دوزه بولمز فاطمه
آهیم اود سالار ایجاده
زینبیم گلر فریاده
قالمیشام کمکسیز دنیاده
اولدی زینب نالانه
درد و غملرون همخانه
زلفونه ووران یوخ شانه
طاقتیم داخی یوخ هجرانه
- شنبه
- ۴
- اردیبهشت
- ۱۴۰۰
- ساعت
- ۱۶:۱۲
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه