عم اوغلی تشنه ی دیداریدی بیمارِ دلخسته
عجب بیر دمده گلدون قوی قدومون گوزلریم اوسته
ایاقه دورماقا ای خسرو ابرار معذورم
وجوداً ناخوشام گرچه ولی عشقونله مسرورم
نوایِ نایِ وصلونله سراسرنغمه وشورم
اوخورقمری چالورمضراب ، هَزارِ غم حجاز اوسته
اولا مین جانی زهرانون اِیدر تشریفوه قربان
بوبیرجانیمده ده جان قالمیوب ای سرور دوران
چخور جانیم منه لطف ایت باشیم اوسته اوخی قران
سَسوندَن جان آلا تامسجدو محراب و گلدسته
سولا گلزاریده لاله ویا غنچه اولا پرپر
باخار بلبل اِیدر شیون وجودین چون آِلار آذر
ولی من اودا یاندوقجا دیردیم ذکر یاحیدر
هراس ایتمز بلادن زلف دلداره اولان بسته
خمارم جامِ عشقوندن دوباره لطف قیل ساقی
یتور دیدارِ دلداره دلِ مهجورومشتاقی
هوالاول، هوالاخر، هوالباطن،هوالباقی
مریدِمکتبِ عشقم ای اهلِ عشقه سردسته
سن ای شه جانِ عالم ، مفخرِاولادِ آدم سن
خلیل اللهه ناجی،هادیِ عیسی ابن مریم سن
سرورِقلبِ طاهاسن،ولی الله اعظم سن
داخی دنیایه گلمز سن کیمی بیرشخصِ برجسته
قیاموندن اولوب قائم قوامِ عالم امکان
بویورموش احمدِمرسل که سنسن معنی قرآن
هویدا اسمِ پاکوندن رموزِ سرّ الرحمان
وجودِنازنینون نخلِ دینه دهریده هسته
ریاست اوسته درگاهیم شرارِقهریله یاندی
دیانت دن ویرانلار دم پیمبرامرینی داندی
بیله فکرایتدیلر گچدی اودوران،آیری دوراندی
درِبیتِ ولایه قویدولار یوز دسته به دسته
منافق لرویروب اوت یاندی درگاهیم اولان اولدی
حریمِ امنِ آلِ عصمته زاغ و زغن دولدی
یخیلدیم پشتِ درده محسن آدلی بیرگلوم سولدی
سنونده اللرون باغلاندی مثلِ مرغِ پربسته
نه اولدی اول کشاکشده دیلیم عاجزدی تشریحه
عیاندی وضعِ حالیمدن نه لازم شرح وتصریحه؟
عم اوغلی کافیدور ایتسم اشارت بیر بوتلمیحه
اوگوندن سینه مین قانی آخار دامانه پیوسته
فقط مندن صورا قویما قیزیم زینب ملول اولسون
حسینون قلبی سینسین،مجتبانون گوزلری دولسون
بالام کلثومی چوخ دیندیرمبادا گل کیمی سولسون
اوزون آگاهیسن مادر اولار اطفاله دلبسته
علی دل دَردین اهلِ دل بولر تنها بیر ایمادن
حسیندن دویمادیم،کام آلمادیم اول ماه سیمادن
گجه وقتی گوزون آچسا پریشان دورسا رویادن
سو ویر ، قویما قالا عطشان اولا مضطراونورسته
گلستاندا گله لازمدی سوتابرگ وبرویرسون
سویر گل صاحبی تا زحمتِ عمری ثمرویرسون
سو کم یاب اولسا سعی ایلر گوله اشک بصر ویرسون
حضور یاریده اولسون گولی جانانه شایسته
یازوب دستِ قضا یئتسون سودان آفت بوگلزاره
ایکی اوغلوم سواوسته عازم اولسون بزم دلداره
حسن سوکوزه دن ایچسون یتیشسون محضرِیاره
حسینیم تشنه لب دوشسون ترابه بیکس وخسته
سنی اوتدان کنار ایلر (زکی) بوشیوه ومسلک
دوباره شعریوه دوزسالدی مرضیه اوزی بی شک
فنا دنیاده بیرسندن قالار بو دفتر ودستک
دیللّر نوکرِدربارِسلطان اولدی وارسته
- یکشنبه
- 7
- شهریور
- 1400
- ساعت
- 12:9
- نوشته شده توسط
- یوسف اکبری
- شاعر:
-
حامد زکی تبریزی
ارسال دیدگاه