باخورام یوزووه - بو آخان گوزووه
نفسون دایانور - رحم ایله اوزوه
ال ایاق چالوسان - صبریمی
آلوسان - گورورم بو گیجه - نه حالا قالوسان
بالام آغلاما یات - سینه داغلاما یات
آناوام یانیرام - یانوب اودلانیرام
سویا یوخدی گمان - خجل اولدی آنان
بو یانان اوره‌گی - داخی ایلمه قان
باد کینه اسور - تار عمری کسور
سنی آلسین اجل - نه یامان تلسور
یوزومه باخوسان - یاندیروب یاخوسان
نه اولار یاتاسان - سو غمین آتاسان
یوخ علاجیم اینان - الامان - الامان
بو چولی باشاباش - دولدوروب اوخ آتان
نه روا یاناسان - یانوب اودلاناسان
نجه تاب ایدرم - سنده اوخلاناسان
ملر آهو بالام - سنه یوخ سو بالام
قورویوب دوداقون - چالما ال ایاقون
- سه شنبه
- 7
- اردیبهشت
- 1400
- ساعت
- 20:6
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه