عم‌اوغلی وقت هجراندور - منی دعوت ایدوب جانان
بو ساعت جان ویرور زهرا - اوخی قرآن - سنه قربان
حیاتیم‌گوللری سولدی - اوزولدی الّلریم سندن
حلال ایله منی تاری - بو مدّت اینجیسون مندن
گیجه غسل ایله - منی قوی قبره - قالا گیزلینده - هله بو مطلب
بلورم یاسه - گلنیم اولماز - بو غمه دوزمز - نگران زینب
آییردی ظلمیله ثانی - منی دورد نور عینیمدن
بلورسن دویمادیم سندن - بو مدّت نه حسنیمدن
چکوب شعله گرک یانسون - اورک درد و بلاسیندن
آتام طاها خبر ویرمیش - بلای کربلاسیندن
سو کنارینده - توکولر قانی - چیخاجاق جانی - او چوخور یرده
اولاجاق پامال - آت ایاقینده - کسیلوب باشی - قالار الّلرده
جفادن لشگر کینه - او قانلی چولده دویمازلار
حسینه آغلاسین زینب - عداوت اهلی قویمازلار
عموغلی عهد ایداخ ایندی - دوزاخ ایّام هجرانه
تنور خولیده باهم - گیداخ شام غریبانه
اوزون آگهسن - بالامی دائم - نجه بسلردیم - گولون اوستونده
نه گناه اوسته - کسیلن باشین - قویاجاق خولی - کولون اوستونده
- سه شنبه
- 7
- اردیبهشت
- 1400
- ساعت
- 20:39
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه