ووردولار یاره نمازاوسته علینون باشینا
باشینون قانی قاریشدی گوزونون قان یاشینا
سسله دی فاطمه جان گلدی علی
آند اولا کعبیه دینجلدی علی
ایله بیر ظلم ایله دی قاتل نادان اوگیجه
مسجدومنبرومحرابه آخوب قان اوگیجه
ملکوت اهلی ایدوب نالهوافغان اوگیجه
شیشه ی عدل علی دگدی حقارت داشینا
سسله دی فاطمه جان گلدی علی
آند اولا کعبیه دینجلدی علی
قالخیزوب ملجمون اوغلی شل اولان اللرینی
قانه غلطان ایله دی فاطمه نون همسرینی
زینبـون سالدی فلک باشه قرا معجرینی
شیشه ی عدل علی دگدی حقارت داشینا
سسله دی فاطمه جان گلدی علی
آند اولا کعبیه دینجلدی علی
یاره سین باغلاماقا گلدی باشی اوسته حکیم
دیدی « لا حول و لا قوة » یا رب رحیم
خبر آلسا نه دیوم ایندی کریم ابن کریم
چاره سی یوخدی چاتوب یاره مبارک قاشینا
سسله دی فاطمه جان گلدی علی
آند اولا کعبیه دینجلدی علی
چوخ مشقتله گوزون آچدی علی شیر خدا
یوزینی دوتدی ابالفضله امیر دوسرا
وار قاباقدا دیدی اوغلـوم بیلوسن کرب و بلا
تاپشوروبدور بویوک اوغلون بالاجا قارداشینا
سسله دی فاطمه جان گلدی علی
آند اولا کعبیه دینجلدی علی
- دوشنبه
- 20
- اردیبهشت
- 1400
- ساعت
- 18:48
- نوشته شده توسط
- یوسف اکبری
- شاعر:
-
مرتضی اسکندری
ارسال دیدگاه