آچ نطق گُهرباریوی ای طبعِ خدادا
یاز، قویدی قدم وحی ائوینه حضرت سجاد
زهرا گوزلی، مکتبِ حیدرده بوی آچدی
سیماسی گوزل، طبعی روان، نطق یده استاد
هر کیم کی باخیردی رُخِ زیبایه ، دییردی
ای خَلق اولونان صُلب علی دن،ائوین آباد
اخلاق و شجاعت ده، قوی شیرِ هنرور
عرفان و عبادت ده، چاتانماز اونا ذُهّاد
باخ عشقه، حسین ایسته دی دشمن یاسا باتسین
اوچ اوغلی اولوب، هر اوچونه قویدی علی آد
یعنی علی اکبر، علی اوسط، علی اصغر
یعنی خفه لن ای علوی دشمنی، جلاد
یوز اوغلوم اگر اولسا، یوزونده علی قویّام
تا کینه دن ئولسون بو معاویه ی شیاد
عرض ایلیرم ای حضرت زهرانین عزیزی
ای یوسفه اوخشار گوزل، ای حضرت سجاد
نیسگیل اولا قبرین نه غریبانه قالیبدی
نه زائر و نه گنبد و نه پنجره فولاد
بیر گون گلر ، اوغلون دایار سمت بقیعده
شیعه ئورگی اوندا اولار غصه دن آزاد
- چهارشنبه
- 22
- اردیبهشت
- 1400
- ساعت
- 16:3
- نوشته شده توسط
- یوسف اکبری
- شاعر:
-
ابراهیم قبله آرباطان
ارسال دیدگاه