محرابه شاه لافتا یخیلدی
یعنی علی المرتضا یخیلدی
سرعتله اندی تیغ کین هوادن
ایتدی اصابت فرق مرتضادن
آغ سقالی اسلاندی قان حنادن
دالدن چکوب بیر آهوا یخیلدی
قویدی یتیم ایتامی ابن ملجم
قانیله قرآنی ایدوب مترجم
پشت فلک بیر تیغیله اولوب خم
ایتدی تزلزل نه سما یخیلدی
زهرا ایدوب بیت الحزن جنانی
سسلر عم اوغلوم وای چکر فغانی
آخدوخجا قان الدن گیدوب توانی
سلب اولدی اعضادن قوا یخیلدی
فورا علی قویدی الین یارایه
بارماقلاریندان قان آتوب سیمایه
جبریل مه پیکر گلوب نوایه
سسلندی قطب الاولیا یخیلدی
مقتل اولوب طور سنین کلیمه
راس رئیس دین اولوب دو نیمه
جسمين قویوبلار طاقهٔ کلیمه
قانیله اسلاندی عبا یخیلدی
زینب باباسین گوردی قانه غلطان
باشدان گوتوردی معجرین پریشان
جانیم بابا سولمش جماله قربان
یوخسا ایویم ایوای بابا یخیلدی
سعی ایتدی بیر ضربتده ابن ملجم
ویر سین بودرسی نوفله مسلم
قولسوز قالوب سقای نهر علقم
دور وبریندن اشنا یخیلدی
آهن عمود الده گلوب اوساعت
ایتدی ازل عباسه بیر شماتت
دل یاره سینه ایتمدی کفایت
بیرظلم ایدوب صاحب لوا یخیلدی
سسلندی ان قطعتموا یمینی
انّی اُحامی ابداً عن دینی
جان اُسته گوزلر گوزلریم حسینی
ادرک اخاک یا اخا یخیلدی
جان اوسته یم فریاده گل حسینیم
صید اولمشام صیاده گل حسینیم
باش ویر مرم جلاده گل حسینیم
گل بوبلایه مبتلا یخیلدی
اوز اُلماقمدان قوخمورام برادر
یالقوزلادی اما سنی بولشگر
قویماز بولار زینب باشندا معجر
درگاه ختم الانبیا یخیلدی
دین اوسته من باتدیم بوچولده قانه
ویردیم وفا درسین جهانیانه
قویمش کریمی یوز بو آستانه
درگاهوه مثل گدا یخیلدی
- یکشنبه
- 9
- خرداد
- 1400
- ساعت
- 18:26
- نوشته شده توسط
- یوسف اکبری
ارسال دیدگاه