ابن ملجم صبح وقتی توکدی بیر قان مسجده
ایلدی غبله اوقاندان عرش رحمان مسجده
اولدی ظاهر سجده ده مصداق والنشق القمر
کلمه هذاالرّجُل یهجُر بوگون ویردی ثمر
مرتضادن باش سینوب پیر شریعتدن کمر
یخدیلار قطبی توکولدی اهل عرفان مسجده
بار محنت قامت اسلامی ایتدی منحنی
جبر ئیلون قد قُتل آوازی دوتدی کوفه نی
لیل تار ایتدی بو سس دنیایه روز روشنی
مردوزن هرسمتدن یوزقویدی گریان مسجده
ادی مومن قلبی کافر اصل ایمان الدیرور
نامسلمان مسلم آیلا مسلمان الدیرور
ایلیوب قرآن حمایل متن قرآن الدیرور
بی مروت سالدی بیر ظلمیله طوفان مسجده
ظلمله باش پارچالاندی قان آخوب مه صورته
سسلدی فُزتُ بربّ الکعبه چاتدیم راحته
من ایچوزدن گیتدیم اما سعیوز اولسون وحدته
تفرقه قرآنچون آفتدی خسران مسجده
حاکم عادل دگول شایسته ظالم ملّته
گرگ باران دیده لر ویرمز رضا امنیّته
مرتضی قویماز که بیت المالی گیتسون غارته
فاعل مختار اولا امثال مروان مسجده
مرتضی طلحه زبیره خانه ویرمز مقام
مرتضانین مکتبنده بیردی آزاد و غلام
حیله ساتماز رشوه آلماز حیف میل ایتمز امام
وارد اولسون قویماز انسان شکل حیوان مسجده
ابن ملجم ایستدی صید ایتسون الله شیرینی
سجده دن باش قوزیاندا اندیروب شمشیر ینی
قویدی آغزیندا علینون ذکرینی تکبیرینی
نطقدن دوشدی یخیلدی شاه مردان مسجده
مرتضانی بیرکلیمه قویدولار اعوانله
حمل ایدوبلر دودمان عصمته افغانله
آغ محاسن گوردولر الوان اولوب آلقانله
تار مویندن دامورقان مثل مرجان مسجده
ام کلثوم آچدی باشدان معجرین واحسرتا
سسلدی گل تک سولان رخساره قربانم آتا
کیم رضا اولدی بابا مه صورتون قانه باتا
من یولا سالدیم سنی شادوخرامان مسجده
سن امیرالمومنین سن مسلمینه پیشوا
مسلمینه مقتدا کیمدور بوگون سندن سوا
نیلمشدون سن سنه بوظلمی کیم گوردی روا
توکدیلر قانون بوقوم نامسلمان مسجده
تا حیاتون وار کریمی چکمه مسجدن ایاق
مسجد الله بیتدور مسجددی قرآنه دایاق
مسجداولمش یر یوزونده عرش اعلادن رواق
دسته دسته قدسیان نازلدی هرآن مسجده
- یکشنبه
- 9
- خرداد
- 1400
- ساعت
- 18:29
- نوشته شده توسط
- یوسف اکبری
ارسال دیدگاه