الیکه یومدی گوزون شاه لافتی یارالی
ائدوبدی قلبیلری یاره مرتضی یارالی
جهانی ترک ائلدی یار مصطفی یارالی
سولوبدی ظلمون الیلن ولایتون چمنی
جناندا نالیه گتدی رسول ممتحنی
ولایت اهلینه بو غم معظم دی
علینون ئولمگی دنیاده درد اعظم دی
نقدری بو غمه گر آغلاساخ گینه کم دی
علی ئولوبدی گلوب شیعه آه و افغانه
علی غمینده اودور آغلوروخ یانا یانه
جهاندا حیدری اهل جهالت ئولدوردی
شه عدالتی بیر بی عدالت ئولدوردی
ووروبدی مرد شقی بیر جراحت ئولدوردی
جفادن اهل ستم دویمویوبلار عالمده
روادی یانسا ئورکلر بو درد اعظمده
علی ئولوبدی وئروب غسلونی امام حسن
قوتاردی غسلی غرض پیکرین ائدوبله کفن
قویوبلا قبر ائوینه دللره دولوبدی محن
یانار بو غمده ائدر ناله قدسیان بو گئجه
علیده فاطمیه اولدی میهمان بو گئجه
قورولدی بزم عزا چون فدای قرآنه
گلوبله حور و ملکلر عزای سلطانه
آتاسین اوخشیوری زینبی یانا یانه
گلوب فغانه سالوب باشینه قرا زینب
بابا غمیده ائدور ناله و بکا زینب
دیور فدا یارالی باشیوه یارالی بابا
جهانی ترک ائلدون ای باشی بلالی بابا
ندندی باشدان آتوبسان منی وفالی بابا
نقدری عمروم اولا من غموندن آغلیارام
یارالی سینه می من محنتونده داغلیارام
فدا اولوم باباجان ائتدیگون عبادتیوه
فدا اولوم باباجان دهریده کرامتیوه
عبادت اوسته گدایه ائدن سخاوتیوه
گلوبدی درگهیوه ( سالک) غمین و حزین
شفاعت ایله اولا قسمتی بهشت برین
- پنج شنبه
- 13
- خرداد
- 1400
- ساعت
- 12:56
- نوشته شده توسط
- یوسف اکبری
- شاعر:
-
رحیم سلمانزاده
ارسال دیدگاه