تا واردی جهان دهریده مولادی اباالفضل
دلبند علی رتبه سی والادی اباالفضل
سر مشقیدی عاشق لر ایچینده گوزل آدی
عشق عالمینه عاشق شیدادی اباالفضل
دریای کرم شهرتی وار باب الحوائج
اون یدی گوزل منصبه دارادی اباالفضل
ایثاری اونون باشین اوجاتدی ملکوته
سقای حرم روح تولادی اباالفضل
دیواندا یازام شأنینه قطره اولا بیلمز
عاجزدی قلم وصفینه دریادی اباالفضل
شأن و شرف و عزت و شخصیتی تکدی
عالمده اودور یکه و تنهادی اباالفضل
صولتده صلابتده آقام حیدره بنذر
غیرتده شجاعتده ده یکتادی اباالفضل
عاشور بلا لشکر کین پرور ایچینده
سس دوشدی گلور جنگه مهیادی اباالفضل
وردیله خبر مارده که ای ائوی بر باد
میدانه گلوب شیر صف آرادی اباالفضل
نخوتله قدم جنگه قویوب مارد بی دین
فکر ایلمدی فارس هیجادی اباالفضل
تا اولدی مقابل ائلکه کفریله ایمان
عرض ائتدی او کافر بو نه غوغادی اباالفضل
بو لشکر ایچینده بونی بیل یوخ منه همتا
بیعت ائله سن سنله مدارادی اباالفضل
جنگ ائتسن اگر قانیوه غلطان اولاجاقسان
مدفن سنه بو قورخولی صحرادی اباالفضل
رحم ائت اوزووه باتما قانا بیکس علمدار
باخ لشکریمه موجلی دریادی اباالفضل
هرکس منیلن جنگ ائده جان قورتارا بیلمز
ال چکسن حسیندن گنه باجادی اباالفضل
اتمام ائلیوبدور رجزین مارد کافر
بولموردی که بیر مرد توانادی اباالفضل
فرمایش ائدوب حیدرین عالی نصب اوغلی
دنیاده حسینیله هم آوادی اباالفضل
باطل نظرون بوشلا حسین شاه جهاندی
عالم بیلوری نوکر مولادی اباالفضل
باغلا دلیوی آچ الیوی وقت جدلدی
روباهه باش اگمز یل دنیادی اباالفضل
مین لشکر اولا عزم ائلسم بیر بیره وورام
آچ گوزلریوی گور نجه عنقادی اباالفضل
سوز چاتدی بورا مارده سوز دگدی بیر اوخ تک
عباسه آتوب نیزه نی بینادی اباالفضل
اول دمده آقام نیزه سینی دوتدی هواده
جنگین نئجه گور فنینه دارادی اباالفضل
ئوز نیزه سینی ماریدین ئوز حلقینه ووردی
لشکرده گوروب فاتح دعوادی اباالفضل
ئولدوردی او نامردی علینون غضب اوغلی
احسن او گوزل همته یکتادی اباالفضل
لشکر داغیلوب فتح ائلدی نهر فراتی
آلدی سویی قدرتله توانادی اباالفضل
دولدوردی اودم مشکی خیامه یولا دوشدی
لشکر سایا گلمز ولی تنهادی اباالفضل
قصدی بویودی سو آپارا خیمه سرایه
سو قولی وئرن قیزلارا سقادی اباالفضل
روبه صفتان حیله قوروب ووردولا یاره
قولاری دوشوب حالی غم افزادی اباالفضل
اوخلاندی سو مشکی الی هر یردن اوزولدی
شرمنده اولوب حالی هویدادی اباالفضل
یوز خیمیه دوتدی دئدی قارداش ئولورم گل
قربان کسیله گر سنه باجادی اباالفضل
وئردوم ایکی قول بیر گوزومی من سووا خاطر
گورسن دیه جکسن بو نه سودادی اباالفضل
بسدور داخی (سالک) غم و محنت باشا گلمز
آغلا غمینه چون غمی دریادی اباالفضل
- یکشنبه
- 23
- خرداد
- 1400
- ساعت
- 19:4
- نوشته شده توسط
- یوسف اکبری
- شاعر:
-
رحیم سلمانزاده
ارسال دیدگاه