ای صبا وئر خبر عشاقه که دلدار گلور
منزل عشقه گجیله گنه دَه یار گلور
اهل عرش اَندیلَه فرشه،سَپه لَرمَقدمینه
سوسن ونَسترن و زَنبق وگُلنارگلور
گُلشن عشقی اونون نِکهَتی مست ایلیه جَک
نَه فقط عطر گلور،صَحنیَه عَطّار گلور
گورَه سن کیمدی اونی عاقل ودیوانه تانور
ائشیدوب گَلمَگینی مَستیله هُشیار گلور
یری واردور دوشَنه حوریلَرون زُلفی یره
تا اولا حضرت عشقین یولی هَموار،گلور
عَندلیبا داخی هجران غَزلین ایله رَها
قَدح اَللرده کی عُشّاقه دئ خَمّار گلور
باغبانا دوزوسَن گُللرووِی دایره وار
مرکز گُلشنووَه نقطه ی پرگار گلور
یَم عصمتدَه گوروندی گوزه بیرگوهرِناب
صَدفیندن آرالانمیش دُر شَهوار گلور
چون شفاخانه دی بو دَرگه معصومه بیلون
بو گجه مجلسینه،خسته و بیمار گلور
غمون اولماز دئسه لر(نادر)اگر حَشرگونی
سوزوون مشتریسی احمد مُختار گلور
- شنبه
- ۱۲
- تیر
- ۱۴۰۰
- ساعت
- ۱۴:۵
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه