ای صبا وئر خبر عشّاقه که دلدار گلور
مَنزل عشقه گجیله گنه ده یار گلور
اهل عرش اَندیله فَرشه،سپه لَر مَقدمینه
سوسن ونَسترن و زَنبق وگُلنار گلور
گُلشن عشقی اونون نِکهتی مست ایلیه جک
نه فقط عِطر گلور،صحنیه عَطّار گلور
گورَه سَن کیمدی اونی عاقل ودیوانه تانور
ائشیدوب گَلمگینی مَستیله هُشیار گلور
یری واردور دوشَنه حوریلرون زُلفی یره
تا اولا حضرت عشقین یولی هَموار،گلور
عَندلیبا داها هجران غَزلین ایله رها
قَدح اَللرده کی عُشّاقه دئ خَمّار گلور
باغبانا دوزوسَن گُللرووِی دایره وار
مرکز گُلشنووَه نقطه ی پَرگار گلور
یَم عِصمتدَه گوروندی گوزه بیرگوهرناب
صَدفیندَن آرالانمیش دُرِ شَهوار گلور
کیمدی اِبن البَشر ایچره اولا لایق دیَه لَر
دُرج عِصمتده اولان دُرَّه خریدار گلور
سِیر اَیّام وئروبدور بو سوزه یاخشی جواب
او گونی که دئدیلَر حیدر کرّار گلور
یوم میلاد همان کوثرِ حق فاطمه دور
یاس خوش مَنظرهء عترت اطهار گلور
چون شفاخانه دی بو دَرگه زهرای بتول
بو گجه مجلسینه،خسته و بیمار گلور
غمون اولماز دئسه لَر(نادر)اگر حَشرگونی
سوزوون مشتریسی احمدمُختار گلور
- دوشنبه
- 14
- تیر
- 1400
- ساعت
- 17:13
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه