باتوب قـــــانه مسجد کوفه - میــر مومنان اولدی
یاریب باشین خنجر عدوان – خیبری یخان اولدی
تسلیت رسول الله - تعزیت رسول الله
یخیلدی محرابیده حیدر باش یارا اورک یاره
مسیح شیعه عروج ایتـــدی چکدیلر اونی داره
ورور باشه کوفه نون اهلی آغلوری او بیماره
یتیملردن سس گلور الله ایلین احسان اوادی
دیور زینب جان بابام لای لای دلبره قوناق گیتدون
قولی پهلوسی سینــــان زهرا مادره قوناق گیتدون
رسول الله گوزلیــــو سنی ســـروره قوناق گیتدون
چکـــولدی قاره سمالرده سید جنان اولدی
حسن سسســـــلور قهــرمان بابا قلبیمی بو غم دلدی
حسین سویلور غمکش دوران قبر ایوینده دینجلدوی
آنا زهـــــرا غــــــم یمه مـــــادر یانیوه بابام گلدی
بهشته گــــــل پیشواز ایلــــه زینت اذان اولدی
یواشجه آغلــــــور ابوالفضل بـــا ادب وفاسیندن
قاریشمور زهرا بالاسیــــنه عفت و حیـــــاسیندن
اورکدن ناله ایدور عباس دشمــــنون جفاسیندن
دیور یارب جنگیلر شیری صفلری پوزان اولدی
بو غمده شیعه عزا ساخلار باشینـــه قرا باغلار
هامی سسلر یا علی حیدر قلبینی بودم داغلار
قرا گیموش اگنینه (پویا ) سینیه وروب آغلار
دیر یارب ناطق قران لنگر زمان اولدی
- دوشنبه
- 21
- تیر
- 1400
- ساعت
- 21:58
- نوشته شده توسط
- یوسف اکبری
- شاعر:
-
احمد پوریا
ارسال دیدگاه