گیدوب الدن گینه یار ابوالفضـل
اولوب محزون عزادار ابوالفــضل
جهانی ترک ایدوب جـوان دلــبر
حسینــون عاشقـــــی غـلام اکــبر
محرمــــده وراردی طبل و سیـــنه
اورگینـده یوخیدی بغض و کیـــنه
عزالــــرده ابوالفضــل سســـلنردی
چخاندا دســـته شوقیلن گیــدردی
غمون چوخ ناگران اولدی علیجان
گوزوموز یـــاشیله دولدی علیجان
غمون تاثیر ایدوب دوستلاریوه چوخ
گلـــــور ماه محرم دای علی یوخ
جلالـــــیلن اولار تشییــع و تدفین
گران اولـــــدی عــــزا اهلینه یاسین
اگر چه چوخ چتین اولدی بو محنت
ایدوب محزون چوخونی بو مصیبت
ولی هیــــچ غــــم یتیشمز کربلایه
گیــــدک بــــوردان او وادی بلایه
دوشــــوبدور بیـــر یارالی ماه پیکر
حسیــــــنون دلبــــری علـــیِّ اکبر
او کی خصلـــتده چون پیغمبریدی
اوکــــی تک باشینه بیر لشگریدی
اولوبـــــدور اربــا اربـــا کـربلاده
حسیــن گتــدی اونی قانلی عباده
دیــــر دی جان بالا عطشانیم اکبر
امیدیم قهـــــرمانیــــم جانیم اکبر
بالا سندن صــــــورا اُف بـو جهانه
که رحم ایلمـــدی سن تک جوانه
سنی یاد ایلــین دیللر خوش اولسون
سنه یاس ساخلیان اِللر خوش اولسون
الهی هـــر حسینـــــچی جان ویرنده
وداع ایلـــــوب جهانی ترک ایدنده
حسینی قـــــبرون اوســــته ناظر ایله
باشیــــن اوستـــــه آقانی حاظر ایله
امیدیــــن اولسـو (پویا ) شاه بی سر
چکــــر باش قبــــریوه اولما مکدّر
- سه شنبه
- 22
- تیر
- 1400
- ساعت
- 11:41
- نوشته شده توسط
- یوسف اکبری
- شاعر:
-
احمد پوریا
ارسال دیدگاه