سربلند اولسون همیشه کشـــور ایرانیـمـیز
خاکینه قربان اولا رگرده جــاری قانیـمـیز
کشور اسلامیدور عزتلیـــدور وار قدمتـی
مهد شیران و دلیــــران وار گوزل حیثیـتی
اگمیوب اگمز باشیـــن اهریمن و بیگانیـه
یاتمیوب بیداریــــدورآماده دور هر ثانـیه
کشور با اعتنا موسی الرضا تک شاهی وار
اقتدار و فخری وار ایثاریله هم جاهی وار
هانسی کشور مثل ایــران وار بیله امنــیتی
وار سلیمانی کیمین مــیلیون نفر با غیرتی
بو همان ملتی خرمشـــــهری آزاد ایلدی
نخله ی ظلم و فسادی ریشه سینـدن پیلدی
ملت ایران همیشه صـــــحنه ده آماده دی
غیرتی عباسی و حیدر کیمیـــن آزاده دی
جبهه لرده چوخ جوانلار جانـلاریندان گچدیلر
قانلاریلان قد رعـــــنایه کفــــنلر بیچدیلر
ایندی بو مــــلت بیله تهدیلین گچمـز دالا
سسلنر هیهــــات منـــــه الذله هر یــار ولا
قورخوسی یوخ اجنبی امریکای بی پایه دن
چون قدر قدرتدی هامی کشور همسایه دن
گیتدی الدن حیف صد حیف با وفا دلداریمیز
ذوالفقار رهبری عباس تـــــک سرداریمیز
عمرینی ایرانی حفظ ایتمـــاقدا اتمام ایلدی
چوخ جهاد ایتدی گونوزی دشمنه شام ایلدی
بیر جهادیلن وفـــــای عهــــد و پیمان ایلدی
وردی موشک داعشی خاکیله یکسان ایلدی
لــــعن اولا بیــــگانیه قلبیـــــلری زار ایلدی
کل ایــــــرانی بو گــــونلرده عزادار ایلدی
یتدی ســــــــردار سلیمــــانی اورک آمالینه
اولدی مهمــان علمدار خوش اونون احوالینه
کشته ی قــران اولوب مهماندی شاه بی سره
روحینه قربان اولوم وحدت یاراتدی کشوره
کل ایــــــرانه عـــــزیز و سرور و دلبریدی
رهبریــــــم سیــــــد علیَّ مالک اشتریدی
بو مصــیبتدن گیـــــنه مرغ دلیم گلدی دیله
رهبرا باشون ساق اولسون قاسمون چوخدور هله
نجه کــــی آل پیمبر بی نقاب اولماز بیلون
بو جنایت که ایدوبلر بی جواب اولماز بیلون
رهبریمون میــن سلیمانی کیمی خواهانی وار
غم یمه یوخـــــدی سلیمـــانی اگر قاانی وار
بیلمسونلر که بو سردار اولدی پدچم یاتاجاخ
نقدر عشـــــق حسیــــن وار علمی یاتمیجاخ
ورموشوخ پایگاهلارین گر سیلی دور نه انتقام
آمریکانین ایلروک گوندوزونی ظلمات و شام
بیلمـــــــدیلر غیرتیــــندن خون ایرانی جوشار
اولدی بیر سردار اگر مین مین سلیمانی جوشار
غیرتیمیز یوخدی گر سخت انتقامین آلماساخ
پرچم فتــــــحی اگر کـــــل جهانه ورماساخ
آنـــــد اولا خـــــــون شهیـدان مدافع حرمه
آقام عباس الیــــــنده اوجـــــا قانـــلی علمه
جبهه لرده ایله ناحق تـــــو کــولن قانه قسم
حقه جان بذل ایلیــــــن حقی دین قانه قسم
آقامیز سیــــــــد و ســـــالار شهیدانه قسـم
اشبه ختم نبـــی مـــاه لب عطشــــــانه قسم
یتمیـــش ایـــکی گل ایمان یل میدانه قسم
اصغر باب الحـــــوائج مـــه جانانه قسم
کربلاده کســـــیلن ظلمیـــــله دستانه قسم
آقامین اللــــرینون اوستــه او بی جانه قسم
قویماروخ بو انقــــلابین سنگری خالی قالا
اختیــــــار کشوری احمــــق ترامپ اله الا
قلبیمـــــیز ارام اولانمـــز انتقامین آلماساخ
آمریکانین باشینه سوگ و قرانی سالماساخ
فرقی یوخ دشمنیمیز داعش اولا یا هرکس
امریکا ،انگــــــلیس و اسرایلیِّ کرکس
وای اوگوندن کی بیزه سید علی فرمان ویره
پرچم نصــــــــرت الینده غملره پایان ویره
آند اولا خـــــون شهیدانه دایـــــانمز بیــر نفر
تک تک ایـــــــرانیلرون غیـــرتی جوشه گلر
اذن اولا گر رهبریمدن گور نه طوفان ایلروک
بیز ترامپ و کاخینــی خاکیله یکسان ایلروک
رهبـــــرا قاســــم سلیمــــانیلرون آمـــاده دور
نچه میلیون لشگرون وار تک تکـی آزاده دور
بیز هامی اجنبـــــی نی منطقه دن دور ایلروک
کشوره کیم چپ باخا گوزلرینی کور ایلروک
ال اله ویروخ گــــــوزل ایرانی دلشاد ایلروک
بیز یاخـــــونلاردا ان شالله قدسی آزاد ایلروک
- پنج شنبه
- 24
- تیر
- 1400
- ساعت
- 14:18
- نوشته شده توسط
- یوسف اکبری
- شاعر:
-
احمد پوریا
ارسال دیدگاه