آچ گوزلرین نه یاتموسان ای فاطمه اویان
حیدر مزارون اوسته اِیدور ناله و فغان
ای مهر پر فروغ سپهر ولایتیم
آغلور منیم بو حالیمه سُکان نه مکان
الله بولور که آیریلقندان نه چکمیشم
گلدیم مزارون اوسته اِیدم شرحینی بیان
بیر آیری عالمیدی یارالی کِچن گیجه
غسلون ویرنده تیر غمه اولموشام نشان
آغلار گوزوم دوشنده او نیلی عذاریوه
داغلی اورکده قالمادی بیر طاقت و توان
گوردوم سیزلدییر او سینخ نی کیمین حَسن
بولدوم که دلده وار سوزی ایستور آچا او آن
دوتدوم دله او کوچه سوزون آچدی عاقبت
ای وای منه که باغریم اولوبدور بو غمده قان
گلدیم فغانه بیر اوجادان آغلادیم، ددیم
ای کاش او یرده حاضر اولیدی اوغول آتان
آخر بو کوچه صحبتی دلدن سالار منی
ایلر غمین جهاندا منیم قدیمی کمان
فاش ایلینده غم سوزونی مجتبی منه
خون دیلیم اولوردی سولان عارضه روان
باخدوقجا عارضیمدن آخان اشک چشمیمه
احوالیمه یانوردی او دورت نازنین بالان
قان آغلادی او لحظه ده احوالیمه حسین
اود ووردی غملی حالی دل و جانیمه بیر آن
دم ویردی مجلس غمه دم بخش عالمین
گتدی او شور زینبیده شوره ناگهان
اود سالدی قلبیمه بالاوون آه و ناله سی
سسلوردی ای مزاره گیدن نصف شب نهان
یانام غمونده دهریده بیر گولمدی یوزون
نیسکیلرون گلیر منه دنیاده چوخ گران
ویرمیشدیلر بالالارون اول دمده سس سسه
منده صدا صدالرینه ویردیم اول زمان
بلبل نجه قرار تاپار گلستانیده !
گورسه یتوبدی اوز گولینه آفت خزان
گلثومیدن دیوم سنه صبح اولدی یاتمادی
ناگه نه گوردی که یتیشوب موقع اذان
سجاده وی گتیردی باسوب باغرینا ددی
هاردا قالوب جهاندا منیم قِیدیمه قالان
آخر ددیم یورلدی شقی روزگاریدن
آغلار گوزون یوموبدی جهانه قیزیم آنان
گتدی سیخلدی قبرینه غمدن کیچن گیجه
خاموش اولوب او شمع کیمی حالیوه یانان
قان آغلیور دوباره الونده قلم (عتیق)
بونداندا آرتوق آچما اورک غملرین دایان
- یکشنبه
- 3
- مرداد
- 1400
- ساعت
- 12:4
- نوشته شده توسط
- یوسف اکبری
- شاعر:
-
استاد داود طهمورثی
ارسال دیدگاه