ای سلسله ی ذاتی شمول فتبارک
دل ملکینه مهرون توخیوب شانلی حصارک
ای ضامن آهو شه اقلیم خراسان
میلادون اولوبدی آقا میلاد مبارک
ای نور هدایت ای شمع شفاعت
یثرب مه ذی القعده نون اوّل دهه سینده
نوره بورونوب حجّت ثامن نفسینده
بلبللّر اولوبدی مترنّم قفسینده
ایلور هامی مین ذوقیله فریاد مبارک
ای نور هدایت ای شمع شفاعت
وئرمیشدی خبر بو سوزی پیغمبر خاتم
بیر اوغلوما ایراندا اولوب قبر فراهم
مشهده شفاخانه آچار مفخر عالم
حورا ائده واردور یری اوراد مبارک
ای نور هدایت ای شمع شفاعت
هر ایل شب میلادوی ایراندا جماعت
ایرانی چراغان ائلیور اهل عبادت
احسان ائله بایراملیق آقا ای شه حاجت
بیزده دییک اولسون ائون آباد مبارک
ای نور هدایت ای شمع شفاعت
- دوشنبه
- 4
- مرداد
- 1400
- ساعت
- 12:25
- نوشته شده توسط
- یوسف اکبری
- شاعر:
-
حاج ناصر تبسمی اردبیلی
ارسال دیدگاه