سویلیون شوقیله تبریک امام زمنه
جشن میلاد دوتوب جدّی امام حسنه(ع)
هر نه وار حاجتون اولما نگران
ایسته احسان ائده مهدیّ(عج) زمان
آی مسلمان مه احساندی بو ماه رمضان
باب رحمت آچیب اللّه بیزه بو آیدا عیان
بیر اوغول فاطمیه(س) وئردی خداوند جهان
اونا خاطر در جنّاتی آچیبدور گَلَنه
هر نه وار حاجتون اولما نگران
ایسته احسان ائده مهدیّ(عج) زمان
بیلوسوز فاطمه(س) ذات احده سوگولودی
تازه مولودده زهرا(س) خانمون ئوز گولودی
باغ آمالده خوش نغمه لی جان بلبلیدی
دوت بهانه بو گوزل دامنی فرصتدی سنه
هر نه وار حاجتون اولما نگران
ایسته احسان ائده مهدیّ(عج) زمان
عمر بش گوندی یاتوبسان هله دای دور یوخیدان
خواب غفلتدن عزیزیم دوراجاقسان نه زمان
یا حسن(ع) سسله مبارک اولا ماه رمضان
هامی احباب طفیلیدی بو سیمین بدنه
هر نه وار حاجتون اولما نگران
ایسته احسان ائده مهدیّ(عج) زمان
یا خانم فاطمه(س) سن بیل بو گرانمایه بالا
قیل دعا بیزده اولاق شامل الطاف خدا
گلمیک محشره شرمنده خانم روز جزا
بالوون حقّینه یازدیر بیزه عالی حسنه
هر نه وار حاجتون اولما نگران
ایسته احسان ائده مهدیّ(عج) زمان
آچمشام دست گدالیق آقا گلدیم قاپووا
آقا اوغلی آقا سان عیدی بیزه ایله عطا
تانیماز آیری قاپی عمریدی دنیاده «صفا»
بیر نظر سال بو آدامسیزلارا آخرده منه
هر نه وار حاجتون اولما نگران
ایسته احسان ائده مهدیّ(عج) زمان
- سه شنبه
- 5
- مرداد
- 1400
- ساعت
- 14:29
- نوشته شده توسط
- یوسف اکبری
- شاعر:
-
حاج ناصر تبسمی اردبیلی
ارسال دیدگاه