باز خامه محشری با نام مولا می کند
با خیال مرتضی در صفحه غوغا می کند
معترف گوید اگر مولای انس و جان علیست
در قیامت رحم بر وی حی اعلا می کند
مرتضا نوریله زینت ویردی عرشه کبریا
گوردولر عرش خدا اول نوریلن تاپدی ضیا
قالدی حیرتده ملائک سسلنوبلر یا اِلاه
هانسی نوریندور ویروبدور عرشیوه بیله صفا
خلق ائدندن سن ملائک دسته سین بولموردیلر
عرش و فرش اولدی بو نورین پرتوندان اِنجلا
نُه فلکده گورسنوبدور بیر عجایب منظره
نوریدن نور آلدی شمسیله قمر مین لر سُها
تا تجلّی ایلیوب یرده اولوبدور انقلاب
کل اشیإ بیر شعاعیندن ائدوب نشو و نما
سس گلوب ربّ جلی دن نور اعلادور بو نور
من یاراتدوم یرده وورسون ذات اقدسدن لِوا
گئچدی مین لر ایل ائدوبدور خلق شکل آدمی
احسن الخالق دیوب ئوز ذاتینه صد مرحبا
سسلنوبلر قان توکن دور ظلم ائدن دور بو بشر
ذاتیوه بسدور اگر بیز ایلیاخ حمد و ثنا
گوردولر سس گلدی «انّي اعلم» ، «لاتَعلمون»
«اُسجدوا»امر ایلیوبدی ذات پاک لایریٰ
ذکر تسبیحیله دوشدی اول ملائک سجدیه
سوزلریندن محضر حقّدن ائدوب حجب و حیا
«فَاِذا سَوَّیتَه»ُ نفخ اولدی جسمه روح حق
«عَلَّمَ الاٰدم»،«لِاَسما کُلُّها» دن مِن خفا
ثمَّ «قالَ اَنبِئونی» سوزده صادق سوز اگر
گلدی «سُبحانَک»«لَنا لا علم»جز «عَلَّمتَنا»
امر اولاندا «اُسجدوا» آگه اولوب کلّ ملک
سجدیه دوشدی بو ایشدن ایلیوب «ابلیس ابیٰ»
طرد اولوب درگاه ذات کبریادن اول دنی
بو عملدن قعر سُفلاده تاپار رنج و عنا
امراولوب آدم گلوبدور همسریلن جنّته
رحمتوندن سویلیوب «هذه الشجر»«لا تَقرَبا»
سالدی شیطان لغزشه حوّایلن اول آدمی
«اُهبِطوا» مِن جنتي قهراً گلوب حقدن ندا
نچّه ایل حوّانون هجرینده گلوبدور نالیه
گوردی یر اوسته بو درده یوخدور آخر بیر شِفا
یاده سالدی عرشیده بیر نور گورموش منجلی
ذات حقّه آند ویردی آغلیوب اول بینوا
توبه سی قبول اولوب حوّانی تاپدی شوقیلن
گوردی اول نورییلن اولدی جسمی غملردن رها
عرض ائدوب ای قورتاران غمدن گنهکار آدمی
کیمدی اول نوریندن اولدی غصه لر مندن جدا
سس گلوب خلق ائتمیشم من اول وجودی نوریلن
بو علی دور قورتارار هرکیمسه نی دوتسا بلا
یاندرانماز آتش دوزخ ایله بیر بنده نی
ذرجه اولسا اگرهر قلبیده حُبّ ولا
اشکیلن گوزلر دولوب سسلندی اول دم یا علی
ذات معبوده آچوبدور اللرین ایتدی دعا
گون طلوعینده آلاردی نورینی اول نوریدن
هر غروبینده اونوره ایلیردی التجا
گون دولاندی چوخ وجوده سالدی مولا نورینی
بحر حیرتده قالاندا سسلیردی انبیا
نور مولا طوریده موسانی بیهوش ایلدی
داریدن عیسانی حُبّ مرتضی قورتاردی،تا
سسلیوبدور یاعلی ناره دوشن وقتده خلیل
گوردی سجّاده آچوبدور ایلیوری سجده بپا
گئچدی بو منوالیلن ایام ، اولوب ماه رجب
اون اوچونده درک ائدوب بطنینده اوغلون تا آنا
راویدور«قَعنَب یزید اوغلی» دیَیَر گوردوم ئو دم
ناگهان بطنینده درد «حَمْلَه» اولدی مبتلا
دوردی کعبه جانبینده عرشه سالدی بیر نظر
عرض ائدوب یارب سنیلن چوخ واریمدور ابتها
آند ویرّم اول کتابه کی اولوب نازل بیزه
بیرده ابراهیمه جدیم ، کعبه نی ایتدی بنا
نچّه مدتدور منیلن هم کلام اولموش بالام
وار یقینیم گلسه دنیایه تاپار چوخ ارتقا
حملیمی آسان ائله ای ذوالجلال و ذوالکرم
آند ویرّم بر وجود اوصیا و اولیا
چون دعادن ال گوتوردی فاطمه بنت اسد
ائتدی منشق کعبه دیوارین به حکم اقتضا
سویلوری بنت اسد وارد اولاندا کعبیه
گوردوم انعام بهشتی، حملیم اولدی انقضا
ایستدیم خارج اولام اوچ گون صورا اول بیتیدن
هاتف غیبی محبتله منه ائتدی ندا
قوی آدین فرزندوین یا فاطمه سسله علی
بعد پیغمبر اولار بو امت ایچره پیشوا
عمرونون اون ایل بهاریندن گئچوبدور وحی اولوب
«اقرا باسم ربک» آیه گلوبدور في اْلّحَرا
دعوت ایلوب دین حقه تا نبي، اطرافیدن
گلمیوب بیر سس، مگر سس گلدی مولادن بَلیٰ
یعنی دین پاک حقه سیّدی حامی منم
ایسته سن گر ریشه اسلامه ویرّم من دِما
اولدی پیغمبر حضورینده وجودی شعله ور
دین اسلامه عجب رونق ویروبدور مرتضیٰ
معتبر سوزدور یازو ر بو خامه قلب دفتره
جنگ خندقده ووراندا تیغی گلدی «لافتیٰ»
گوردی معراجه گئدنده مصطفی جبریلیلن
دودردیمینجی گویده یوزدن چوخدی باب اهتدأ
آچدی تا بیر بابینی مین منبر اولدی آشکار
هر بیرینده گوردی مولانی ائدوبدور اتکا
ترک ائدوب اول آسمانی بولدی گلمور جبرئیل
قرب حقه بو مکاندور جبرئیله انتها
رفرفیله اوج ائدوب عرشه یتشدی تا نبي
دوردی بیر پرده دالنداحقّیدن گلدی صدا
حال حیرتده دییوبدور رحمةللعالمین
گوئیا بو مرتضادور صحبت ایلور برملا
تاپمیوب بیر چاره ال ویردی ، چخوب ال پرده دن
گوردی بو ال چوخ گلوبدور مصطفایه آشنا
بیر نشانه قویدی ال اوسته طعامیندن نبي
قصد مقصد ایلیوب گویدن گلوب اول مقتدا
مرتضی گلدی زیارت ایلسون پیغمبرین
خوش گئچوب عرض ایلیوب یاسیدی؟ اول مه لقا
بیر نظر سالدی نبي اول دم علینون دستینه
یا عجب گوردی علینون بیر الینده وار غذا
سویلوب احسن یابنَ ٱلْعَمي ئوپدی راس انورین
گردئسم حق محضریندیدی سوزوم اولماز خطا
قدرینی زهرائیله پیغمبر خاتم بولر
یوخدی بیر کس درک ائده شأن علینی مطلقا
معجزاتیندن علینون گر قلسم ائتسه رقم
ما خَلق کاتب گرک اولسون مین ایل صبح و مسا
حسنوده مین یوسف مصری اولوبدور بنده سی
حقی وار درگاهینه روح الامین دربان اولا
سایه سیندن جنگلرده دشمن ایلردی فرار
صولت شیر خدادن خوف ائدردی اشقیا
عَمرو تک بیر پهلوان خندقده اولدی روبرو
غیرت اللهه «خَدو» آتدی او مرد بی حیا
نیزه سین تا قوزادی وورسون علینون باشینه
بیر الیلن رد ائدوبدور نیزه نی اول مقتدا
باخدی بیر گوی سمتینه اللّهُ اکبر سسلدی
بیر الیلن ذوالفقاریله ائدوب عَمری دوتا
سس گلوبدور غیبیدن «لاسیف الا ذوالفقار»
«لافتی الا علی»احسن گلوب گویدن ندا
بسدی شأنینده بونون بیر ضربهٔ شمشیرینه
ماخلق ائتسه عبادت ایلمز حقین ادا
باخ شجاعتده علینون رتبهٔ والاسینه
درب خیبر بیر اشاریلن تاپوبدور انحنا
گرچه سوز اولدی مطول دلنشیندور مطلبون
قوی چکلسون نظمه دوشموش یاده آیری ماجرا
نقل ائدور روای سورشدوم مرتضادن بو سوزی
اسم اعظم سنده وار آیا؟ دیوب واحسرتا
جانشین انبیاده وار او اسمادن بیری
همچنان که گتدی تختی« آصف بن برخیا»
لیک آگاهم ازلدن ، کل اسما منده دور
اولماسیدیم خلقت اولمازدی ازلدن ابتدا
واقف اول مرد عرب پیغمبرین ئوز قولیدور
شهر علمم من اگر تنها علیدور «بابُها»
ساقی کوثرقسیم النار والجنتدی بو
روز محشر اللرینده وار گوزی شاه و گدا
مرتضیٰ استاد اولا شاگرد اولار اوغلی حسن
دینی محکم ایلیوب اولده صلح مجتبیٰ
تا حسین گوردی اولوب تضعیف دینون پایه سی
غیرتیندن قانیلن قوردی بساط کربلا
هم حسین و هم حسن اولاد پیغمبردیلر
هم خانم زهرایه اولسون شیعه نین جانی فدا
چخما مطلبدن قلم، سوز مرتضی حقّینده دور
گرچه نور چشم پیغمبردی شاه کربلا
مجلس مولاده اگلشموش ملائک سربه سر
گرچه بو مجلسده حاضردور سراسر انبیا
یاز علی حقینده سوز، الله بولور تک رتبه سین
شوقیدن آز قالدی جسمیمدن بو روحیم آیرلا
روای پیغمبردی سلمانه دیوب بو مطلبی
نچّه سوز سرّی گلوبدور محضر حقدن ندا
لبّ مطلب بوردادی شخصاً دیوب ذات احد
ای حبیبیم گئت دینن امت اولا غمدن رها
من حرام ائتدیم جهنم شعله سین هر کیسمه نین
نوک سوزن تک اولا قلبینده عشق مرتضیٰ
«صادقی» دریا مرکب اولسا طوباده قلم
مرتضانین شأنینه هیچ جمله اولماز انتها
دوت ولایت دامنیندن یاز علیدن صبح وشام
روز محشر راضی اولسون حضرت خیر النسا
بولمورم دوز سالدی هانسی اولیادن شعریوه
یا دوتوبدی دست حق معناده اولدی رهنما
مست ائدوبدور مطلبین مولا علی عاشقلرین
هر گورن بو شعری سویلر آفرین صد مرحبا
- چهارشنبه
- 6
- مرداد
- 1400
- ساعت
- 20:56
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه