عـــالم زهـــدیده مـولای توانــــادی علی
مظهــــر پاکی وایمانیلــــه تقـوادی علی
نفسینه غالب اولوب حال حیاتینده اودور
رب الارباب کیمی شهــــرتی والادی علی
بنــده مطلــــق حق ، عبــدخــداوند کریم
یـــــاوراهـــــل ولا دشمـن ادنــــادی علی
هــــا علــَُــی بشـــَُر کیف بشَـردی او جناب
حضرت ختم رسـُـلدن صورا تنهـادی علی
گلمیـــــوب عـــالم ایجــــاده اونـون همتاسی
نقــدر واردی جهـــان قدریده اولادی علی
بویــــوروب ســَـرور کــُـونین رسـول مدنی
شهــــر علمم اونـــا دروازه اعــــلادی علی
تاپشوروب دینی پیمـــبر ئوزی چـون واقفیدی
یوزوئــــره هرنه بلا صــبریده دریادی علی
جنـّـته رجعت ائدنـدن صــورا زهـــرا آتاسی
توش اولوب دردوغمه الده واراسنادی علی
یاندیربلار قــــاپوسین صدمه گـوروب فاطمه سی
بی وفــــالــر دئمیوبلــــرکه معــــزادی علی
حقی غصب اولــدی اولوب یرمی بش ایل خانه نشین
بولمیوبلـــر نجـــه شخصـــیته دارادی علی
عــــدلینین صحبتی اولسادیلــــرهــر یرده
حـــــاکم مقتـــــدر و رهبــــردانـادی علی
عــــدلی باعث اولــوب ئولدوردوله آخرده اونی
بیربئله غمده اورک قان اولا باجادی علی
- دوشنبه
- 11
- مرداد
- 1400
- ساعت
- 11:17
- نوشته شده توسط
- یوسف اکبری
- شاعر:
-
موسی جوانی تبریزی
ارسال دیدگاه