باجوندان گل قبول ایله ایکی قربانلارین قارداش
کرم قیل زینبه ایتسون فدا اوغلانلارین قارداش
روابولمــه اورک جــامی غم وآلامیله دولسون
ستملــه بوبیـــابانـدا نهـــال جعفــری سولسون
اجــازه وئر قبـــاقوندا ایکی اوغـلوم شهید اولسون
رضاائتسونله بوچولده حق رحمانلارین قارداش
اولاندا روزمحشرقویمازینب شرمسار اولسون
حضــورحضرت خیـــرالنساده اشگبار اولسون
مرخص قیـل باجون اوغلانلاری قوی کامکاراولسون
آنام زهرایه خاطرصادرائت فرمانلارین قارداش
سوجامی الده عطشان قیزلارون آغلور یانایانه
شـرار آهیلـــــه آتش سالـــوبلار عــرش رحمانه
بومحنتده گلـــوب اوغــلانلاریم فـریاد و افغانه
محبتله ئوزون سیل دیده گــریانلارین قارداش
اولوبدور قطعه قطعه شاهزاده اکبرین جیسمی
داغیلدی پیکـــری اشرارالینده قاسمین جیسمی
قـــالوب تپــــراقــــلار اوسته سربه سر انصاروین جیسمی
ئولـــوب ظلمــیله بوچـــــولده سوسوز اصلانلارون قارداش
دکول نسوانه جائز دینــیده عزم جهـاد ائتسون
ولیکن واجـــبات شرعیـدور مَرده گرک گتسون
مقدس بیرمرام اوسته مُراده حشریده یتسون
اونوتما زینبـون بوبــاردن طفــلانلارین قارداش
بووسعتده بیـابان گوزلریمده تنگ دور ایمدی
شـریک نهضتم ســاکت اوتـورسام ننک دور ایمدی
وئر اذن اوغـــلانـلاریم گئتسون زمــان جنگ دورایمدی
فدای مقدمون ائتسون متاع جانلارین قارداش
ئوزوم ئورگتمیشم رسم وفــانی کــوی عشقونده
فــنون جنگـــی تعلیــم ائتمیشم اردوی عشقونده
شهــادت جامه سین گیدیرمشم تاسوی عشقونده
بلادشتینده ائتسونلرسبیل ئوزقانلارین قارداش
عدو قان ایلــدی گــوزیاشیمی ای مهر عالمتاب
فـــراتین یولارین سدایلــیوب مخیمده یوخدورآب
سوسوزلــوقـدان اولوبـدورشیرخــواره اصغریم بیتاب
اولیدیم گورمییدیم اشقیاعصیانلارین قارداش
بوصحرایه گئدور هرکیم خیامه ایلمور رجعت
یـانور قلبیم وجــودیمده ملالیم ایلیور شدت
بوامــره واقفــــم ای مظهـــره ایثـــارو حریت
گورمز بیرده زینب غنچه ی خندانلارین قارداش
دانیشدیــر رافتیـله گلشنیــمده گلــلری بیرآن
بلادشتینده اولدی ظلمیله گوزیاشلاری القان
جفـــای اشقیـــادن اولدولاراخیــامیده نالان
خموش ایله شرار سینه ی سوزانلارین قارداش
(جوانــی)چوخ تلاش ائتدی اولاسوزلر پسندیده
قصورین دوت بیزه خاطرئوزون لطفیله نادیده
دوزوب انـــدوه وآلامه حیـــاتینــــده او غمدیده
ویربدورقلبینه بیرعـــ٘ده لر پیـــکانلارین قارداش
- دوشنبه
- 11
- مرداد
- 1400
- ساعت
- 11:34
- نوشته شده توسط
- یوسف اکبری
- شاعر:
-
موسی جوانی تبریزی
ارسال دیدگاه