مرغ طبیعم اچدی شهپر اوج اءدوبدی گویلره
بیر غمی یازدی قلم آتش سالوبدی چوخ دیلره
توکدولر قان حسینی کربلا دشتینده حیف
بیر سوری جیران دوشوبدی پنجه ی قاتلره
اما بیر جیران قالوب تک یوخدی بیر کس باش چکه
دردینی یازسام سالار آتش بو سینمیش دیللره
بلبل گلزار عشق گللردن ایری دوشموشی
ناله ایلر ایریلیقدان یالوارار سنبلره
تک قالوب صغرا خانوم یوخ اشناسی شهریده
گوزلیور اکبر گله تیکمیش گوزون صحرالره
کیم سفره رسمیدی عزم ایله قالسا اگر
یولویار ءوز نامه سین گوز یولدا قالمیش اءللره
اما نه نامه گلیبدی نه خبر گءتدی بیری
ناگران قالمیش خانوم دیلدن یانوب مشگلره
بستر بیماریده هی سیزلیار هی اوخشیار
هی دیر الله نه گلدی عترت پیغمبره
من یولا سالدیم اتامی ،اصغریمی،اکبری
تاپشوروم بلکه یتیشسین دیل سوزومی یلره
گه دیر قارداش عجب یادان چیخاتدون خواهری
باری گل شانه وروم اکبر پریشان تلره
رسمیدی بیماره تءز تءز باش ورار قارداشلاری
قارداشین چون عشقی ارتیقدی وفالی خواهره
گلشنیمه اسدی بیر باد مخالف نینیوم
قاره اولموش روزگاریم اف اولا کافرلره
تیر محنت قلبیمی شان شان اءدوب واردی غمیم
اغلارام اخشام اولاندا قانه باتمیش اکبره
چوخ گجه لر سس گلنده قورخارام والله علی
ارتارار وحشت اورکده ال گلر گیسولره
منی بیر یادیوه سال جان سنه قربان قارداش
تک قالوب صغرا باجون گوزلره حیران قارداش
گورورم بستر خالین اود دوتار قلب آلیشار
گوررم باغلی اطاقین یانام هر آن قارداش
نه اولار ایندی گلن سسلیسن آی باجی جان
منده گوزیاشی توکوب سسلیم ای جان قارداش
نه سفردی بو قدر چکدی و سیز گلمدیز هیچ
لااقل دعوت ایله من گلیم مهمان قارداش
بو فلک حسرت اءدوبدی باجینی قارداشینا
آلیشور هر گجه بو سینه سوزان قارداش
قاره گوزلر کیمی قاره اولونوبدی گونوزوم
رازیمی ساخلامیشام سینه ده پنهان قارداش
بو کسالت منی چوخ یوردی چوخ اینجیتدی علی
وطنیمده غریبم یوخ گلن انسان قارداش
سن دیردین منه جان منده دیردیم سنه جان
سوزلرین والله اءدر دردیمه درمان قارداش
ایندی یءرده قالانام یوخ گلنیم یوخ گدنیم
بسدی ناز ایلمه گل سن ایله احسان قارداش
باجی قارداشه اءدر ناز، نازین قارداش آلار
کیمه ناز ایندی اءدوم من ،سنه قربان قارداش
کاش خانوم عرض ایله یازدی "خدایی" بوگجه
اشگیله ،نالیله بیر دولی دیوان قارداش
- دوشنبه
- 11
- مرداد
- 1400
- ساعت
- 17:39
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه