علی ای فاتح خیبر علی جانم علی جانم
علی ای یار پیغمبر علی جانم علی جانم
باتوبدی گون چیخوب مهتاب گجه اولدی غم آچدی پر
باتوب یاسه سما و عرض ، وئرور جانین علی حیدر
بالالاری الی قوینوندا عذاره گوز یاش اولوب جاری
اورکلر قانه دونوب الله ائدوب ظلم کوفه نین اغیاری
یتیملر کاسه صود الده ابوالایتامی سراغلیلار
چکوبلر صف قاپی دالیندا علینون حالینه آغلیلار
علی ای فاتح خیبر علی جانم علی جانم
علی ای یار پیغمبر علی جانم علی جانم
باخین عباسه گوزیاشی روان اولوبدی غیرتدن
دایانوب گوشه ی ائوده باخور بابایه حسرتدن
علی سسلندی گل عباسیم الین وئر سن الیمه الان
حسینینده الینی دوتدی دئدی سیز ای دو گل خندان
حسینون وئردی الین مولا ابوالفضله او زمان حیدر
گوزتله سویلدی عباسیم حسیندن سن فقط ای دلبر
علی ای فاتح خیبر علی جانم علی جانم
علی ای یار پیغمبر علی جانم علی جانم
چاتوب وصل زمانی لیک علی عزم سفر ایلیور
بو هجران زینبه والله نجه ایندی اثر ایلیور
دیور صبر ایله بیر آز بابا دولوب قلبیم سوزوم چوخدی
گئدورسن ای شه بی همتا منیم اما کسیم یوخدی
آناما سویله دئنن بابا که زینب حالی یامان اولموش
گلستاندا نیه بس بابا ایکی گل بیر دفعه سولموش
علی ای فاتح خیبر علی جانم علی جانم
علی ای یار پیغمبر علی جانم علی جانم
- شنبه
- 16
- مرداد
- 1400
- ساعت
- 12:24
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه