گلوبدی کاروان عشق بو کربلایه یاحسین
دور ایندی پیشوازیله حرم سرایه یاحسین
سنه قربان ای عزیز خاندان عصمت
دورودیم اولسون سنه ازاد مرد غیرت
باتوب قانه پیکرین قرانین یولوندا
ولی جاویدان قالار ادین تا قیامت
یارالی حسینیم(2)
رها اولوب کبوتران حصار قوم کینه دن
یقین واریم بو ماتمه انام گلر مدینه دن
دیم گلدیم عاقبت مادر کربلایه
چاتوب شیون ناله سی ایندی نه سمایه
بیزی یولاردا چوخ اینجیتدی اهل کوفه
عوضیمدن ایله سن عباسه گلایه
یارالی حسینیم
امانتین خرابه ده قالوبدی گلمدی حسین
گلن چاقیدی صبریمی الوبدی گلمدی حسین
گوزون یومدی سسلدی اهسته بی بی جان
کبوتر تک قول قانادی بسته بی بی جان
منی عفو اءت یولدا چوخ وورمیش زجر بی رحم
دویولمکدن اولموشام چوخ خسته بی بی جان
یارالی حسینیم
رباب باخاندا علقمه یانور اورکده یاره سی
سوسوز بالاسینون دوشور خیاله گاهواره سی
دیور الله اتمه شرمنده هچ انانی
اولن لحظه نطقه گوی گلسین بی زبانی
منیم اوغلوم اچمادی دیل دردین بیلم حیف
سوا خاطر اوخلادی دشمن بو بالانی
یارالی حسینیم
- یکشنبه
- 17
- مرداد
- 1400
- ساعت
- 11:11
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه