خلف پاک نهاد اسدالله حسین
باغ جنتده اولان صاحب درگاه حسین
نقد جان الده ائدن سیرِ الی الله حسین
اشک مظلوم شهیدی، اوزی مست ازلی
گورمیوب، گورمیه‌جک خلقت حسیندن گوزَلی
نُه رواق فلکه عشقی سالان جوش و خروش
آتاسی حیدر کرّار کیمی برقع فروش
سالکانِ ره توحیده بودور باده فروش
حق دییَن دیلدن آزالماز ابداً شوری بونون
زنده‌دی حشره کیمی عشقیده منشوری بونون
نام زیباسی گوزل، سوزی گوزل سازی گوزل
صوت داودِ نبی‌دن بونون آوازی گوزل
جبهه‌ده پیر و جوان جملهٔ سربازی گوزل
یوخ وفاده یتیشن یارینه یولداشلارینا
یوسف عاشقدی بونون اکبرینون قاشلارینا
کوی وحدتده بودور خالق جاوید اثر
وارث معتبر خنجرِ فولادِ دوسر
بو حسینه اوقدر عاشقیدی پیغمبر
بویوراردی گوزلیم عشقوه همدست اولیام
هر ئوپنده دوداقوندان نچه گون مست اولیام
بو عزا بزمی که مولا آدینا برپادی
شأنیده مروه صفادنده بیزه اعلادی
در مجلسده دوران شکّ ائلمه زهرادی
عشق صرّافیدی طالبدی خانم گوزیاشینا
ئورگی داغلی سالیبدور قره معجر باشینا
- چهارشنبه
- ۲۰
- مرداد
- ۱۴۰۰
- ساعت
- ۲۰:۴۶
- نوشته شده توسط
- یوسف اکبری
- شاعر:
-
سید تقی سیفی اردبیلی
ارسال دیدگاه