جوان اوغول الومی آلار توان آتادان
یخار امید ایوینی کسر نشان آتادان
پیمبرین سوزیدور بویورموش امتینه
اوغول جنازه سینی ایدون نهان آتادان
جوان اوغول الومی بوکر آتا بلینی
کباب ایدر دلینی کسر امید الینی
ائمه نین سوزی دور دیوب باخاندا آتا
جنازه نین باشینا گتورمین گلینی
جوان اوغول الومی اولار بلا آتیا
آلار قوای دلین ورر عصا آتیا
او دور دیولّه گیدون جوان مجالسینه
ایدون بهانه اونی دوتون عزا آتیا
جوان اوغول الومی قویار خمار آتانی
هم آشیان سوز ایدر هم اشکبار آتانی
سوال ایدون بالاسی جوان اولن آتادان
داغ اولسادا اریدر یقین یخار آتانی
جوان اوغول الومی پوزار آتا دوفاقین
که یاندیرار اورگین خموش ایدر چراغین
نقدر المیوب اوز ایل آرخاسین تانماز
جوانلارین طویونا چتین قویار ایاقین
جوان اوغول الومی ایدر مدام آتیا
گونین گون اورتاچاغین گوزینده شام آتیا
شریک اولون غمینه حسینی یاده سالون
محبتیله دورون ورون سلام آتیا
- پنج شنبه
- 21
- مرداد
- 1400
- ساعت
- 12:9
- نوشته شده توسط
- یوسف اکبری
ارسال دیدگاه