قدم قویاندا بو دورانه یا امام رضا
دولاندی کون گلستانه یا امام رضا
اوجالدی نور ولایت مدینه شرقیندن
دولاندی طاقه آسمانه یا امام رضا
آدون گلن دله هرگز یالان گتورمز آدام
گر اولسا عاقل و فرزانه یا امام رضا
گورن جمالیوی حسرت آپارماز آیری سینا
باخار نه ماه درخشانه یا امام رضا
جهانی حسن جمالین سالیب تحیره گور
نه قالدی یوسف کنعانه یا امام رضا
ویریلسا حسنوه دائم الونجه بیر یوللوق
سالار گوزللری گوز یانه یا امام رضا
امام موسی کاظم ایوینده سن وارسان
یوخ احتیاجی چراغانه یا امام رضا
امام مفترض الطاعه سن یقین دی بیزه
ولایت اهلینه هم خانه یا امام رضا
اونومجی نورسن ای هشتمین امام رئوف
واروندی مهر صمیمانه یا امام رضا
دولاندی چرخ زمانه غرض مدارینده
جانیم فدا بیله دورانه یا امام رضا
عدو مسبب اولوبدور سالیب مسیریوی تا
بیزیم بو سوئملی ایرانه یا امام رضا
اولوب بو ایرانمیز بوسه گاه شاه و گدا
گلولله روضه رضوانه یا امام رضا
صفای ای شه دیاری دولدوردی
قویاندا ملک خراسانه یا امام رضا
سنون بو شیعه اثنا عشر دیارینده
واروندی مسند شاهانه یا امام رضا
امیر ملک ولایت ولی نعمت حق
گروه کل محبانه یا امام رضا
گتورموسن بلی دارالشفانی ایجاده
شفاعت ایتماقا لقمانه یا امام رضا
آدون دوادی دیوللر تمام اطبالر
یازاندا نسخه مریضانه یا امام رضا
او باب حاجته هر کیم گلور مرادین آلور
هم آشنا همی بیگانه یا امام رضا
منیم ده عرض ارادت واریمدور اوّلدن
الیمده بیر دولی پیمانه یا امام رضا
شراب عشقون ایچیندن خماریوم یاریم
نه عاقلم نه ده دیوانه یا امام رضا
گوزل مزاریوه قصد زیارت ایلمیشم
گَلَم مطبیوه درمانه یا امام رضا
کریم سن که کرامت واروندی قیل دعوت
توجه ایله بو مهمانه یا امام رضا
مریض عشقه گرکدور علاج ایده معشوق
اورک دولانمیا آلقانه یا امام رضا
قاپوندا نوکر اولان "امینی"دور خویدان
یایبدی مدحیوی هریانه یا امام رض
نظرده ساخلا بو نوکری قوی اولماسین مأیوس
گتورمه سین بونی غم جانه یا امام رضا
- جمعه
- 22
- مرداد
- 1400
- ساعت
- 17:43
- نوشته شده توسط
- یوسف اکبری
ارسال دیدگاه