بیله گیدورسن قیام ایدورسن
قیامون ایلور قیامت اکبر
بو نوعی ترک خیام ایدورسن
باشوندا شوق شهادت اکبر
شبیه طاها امید لیلا
اولوم او شهلا گوزیوه قربان
نمای آئین سخنور دین
دانش او شیرین سوزیوه قربان
منِ ملوله ننون بتوله
بابان رسوله اوزیوه قربان
ایشیق سراجیم باشیمدا تاجیم
ندور علاجیم قضاوت اکبر
گوزومده نوریم باشیمدا شوریم
کلیم طوریم دانش منیله
دیزیم قواسی الیم عصاسی
دلون فداسی دانش منیله
بو آیرلقدان اورک اولور قان
دانش علی جان دانش منیله
چخوم مهکدن گوزل ملکدن
ایدوم فلکدن شکایت اکبر
علی اماندور قاشون کماندور
قوشون یاماندور سنی نظرلر
سه شعبه اوخلار بالامی یوخلار
بو چولده چوخلار سنی نظرلر
گوزی آلامسان گورل بالامسان
شیرین کلامسان سنی نظرلر
مه مدینه بو قوم کینه
ایدوله دینه جسارت اکبر
خزان سرسر اسنده گللر
چمنده پرپر اولار مسلّم
پوزولسا باغلار هزاره آغلار
اورکده داغلار سولار مسلّم
گورن او حالی قالار نوالی
باشین عزالی یولار مسلّم
اودور ننه ن ده سنه وطنده
وروب گلنده رضایت اکبر
بو نه جهاندور غمی کلاندور
سوزی یالاندور اینانماق اولمور
اوغول یتیرمک بارا گتیرمک
صورا ایتیرمک اینانماق اولمور
وارون جدالون یوخون مجالون
دی عرض حالون اینانماق اولمور
صفا واریندور وفا واریندور
حیا واریندور حلاوت اکبر
منیم پناهیم امیدگاهیم
سرسپاهیم علی سنیدون
گل شکوفیم بدنده روحیم
طوفاندا نوحیم علی سنیدون
عزیز مادر امیر لشگر
مثال حیدر علی سنیدون
الونده شمشیر دلونده تکبیر
اوزونده چون شیر شجاعت اکبر
بو بیر شتابه دونر کبابه
یازار کتابه مدام "امینی"
او نسگیلینده قلم الینده
آدون دلینده مدام امینی
گلر فغانه ایدر بهانه
بو آستانه مدام امینی
اوزینی سالسین قاپوندا قالسین
اوخوسین آلسین زیارت اکبر
- یکشنبه
- 24
- مرداد
- 1400
- ساعت
- 16:37
- نوشته شده توسط
- یوسف اکبری
ارسال دیدگاه