فاطمۀ بتوله او کامله وا محمّدا
باشین آچوبدی باشیوی آچ سویله وا محمّدا
آغلاماسون پیمبره ،آغلاما، آغلا اکبره
شیعه شبیه ، خَلقاً و خُلقاً ئوزی پیمبره
پیکرین ایلیوب نشان نیزه و تیر و خنجره
شمر سنان و خولی و حرمله وامحمّدا
صادر او ذوالجلالیلن حکم اولونوب ملک لره
یر یوزینه نزول ائدوب غسل وئرون پیمبره
حاضر اولوب نماز ائدون اوچ گون او پاک اطهره
باشه وورون چکون نوا شوریله وامحمّدا
بوندان علاوه حکم ائدوب لشگر ،ابن سعدِ دون
نعلینی ایلسون قوشون تازه تمام آتلینون
سینه سی اوسته گزدیروب آت بو پیمبر اوغلینون
قابیل ائدوب بو ظلمی هیچ هابیله وامحمّدا
شیعه ، دگولدی بو حسین اوغلی مگر پیمبرین
دفن ائده نی تاپیلمادی اوچ گون او شاه ِبی سرین
جرمی نئیدی ساربان کسدی حسینون اللرین
سالدی جهانه حشره دین غلغله وامحمّدا
بیر نچه گون رسول حق اولدی ائوینده بستری
گزمدی باشی نیزه ده قالمادی یرده پیکری
قول قولا باغلی باش آچوق باجیلاری حرملری
شامه قولندا گئتمدی سلسله وا محمّدا
تاب هانی بو محنته تاب ائده کلّ خلق
وار خبرون بو ظلمدن کوفه ده ای رسول حق
ابن زیاده ایستدی زینبه ایلسون نسق
ایلدی بس او صابر و کامله وامحمّدا
"بیضا" نقدر عمر وار داد ائله ناله روز و شب
قورخما وفالیدور یتر داده او شاه تشنه لب
اخذ کمال ایله یوخ بو یره راه بی ادب
باشوه وُور گیلان سوله عجزیله وامحمّدا
- چهارشنبه
- 3
- شهریور
- 1400
- ساعت
- 18:1
- نوشته شده توسط
- یوسف اکبری
ارسال دیدگاه