سفیر باوقار نهضت کرببلا زینب
شهامت مظهری اسطورهء حجب و حیا زینب
دُر گنجینهء مهر و وفا و عصمت و تقوا
کمال و عفّت و ایثاریده بی مُنتها زینب
آلان درس حجاب و عصمت و تقوانی زهرادن
بلاغتده همانند علی المرتضا زینب
گوزل آدین مُعَیّن ایلییَن خلاق بی همتا
اولان دائم جهاندا زینَت شاه ولا زینب
اولوب ثابت قدم ائوز ایتدیقی عهد اوسته عالمده
حسینون آرمانین ایتمیوب بیر آن رها زینب
نقدری محنت و رنج و بلالر چکدی دنیاده
اولوب صابر همیشه ، سویلَموب چون و چرا زینب
ایدوب عشقین کتابین عاشقان عالمه تفسیر
اولوب عشق اهلینه هر بیر زماندا رهنما زینب
یتیردی عشقینی کرببلا دشتینده اثباته
قالا عشقینده نقصان قویمیوبدور مطلقا زینب
اگوب کرببلانون غملری اول قَدّ شمشادین
اولوب آماج پیکان غم و درد و بلا زینب
دیار کرببلاده دوشدی طوفان بَلیّاته
او گوندن آدلانوبدور قهرمان کربلا زینب
یاناندا خیمه گاه آل عصمت نار ظلمیله
ئُوزون ووردی اودا ایتموبدی بیر ذرّه اِبا زینب
کنار ایتدی شهامتله امام ساجدی اوتدان
ولیّ عصرینه ئُوز دِینینی ایتدی ادا زینب
گورنده قارداشین گودالیده آلقانینه غلطان
چکیبدور ناله عرض ایتدی سنه اولسون فدا زینب
اولان همره همیشه سرور آزادَگانیله
هزار افسوس اولدی بستهء قید جفا زینب
حسینون پرچمین ظاهرده گرچه یخدی دشمنلر
ولی قویموب همان پرچم اوگون یرده قالا زینب
شجاعتله لوای نهضت خونین عاشوری
آلوب دوشه اولوبدور عازم شام بلا زینب
او پوزقون کاروانی بیر قوشون تک قیلدی آماده
یزیدون قصرینی شام ایچره ویران ایتماقا زینب
دیار کوفه ده خطبه قرائت ایلیین گونده
هامی بیلدی اودور پروردهء شیر خدا زینب
او غَرّا خطبه سیله کوفه شهرین بیربیره ووردی
یاتان خَلقی اویاتدی ایلدی محشر بپا زینب
زیادین اوغلونی ئُوز مجلسینده سر به زیر ایتدی
مرامه آل سفیانی اوگون قویموب چاتا زینب
ووروب قانلی لوانی قلب شاماته وقاریله
یزیدون روزگارین شام تک ایلوب قرا زینب
قیام سرخ عاشورا پیامین اهل دنیایه
شهامتله یتوردی هر مکاندا جابجا زینب
دولاندیردی حسینون اهلبیتون چوخ متانتله
گرک عالم دیسون بو همّته صد مرحبا زینب
قضا گرچه اونی دائم جهاندا مشگله سالدی
ولی درد اهلینه اولموش ئُوزی مشگل گُشا زینب
دوشه هر کیم چتین بیر مشگله بو دار دنیاده
ایدوب دلدن توسل صدقیله ایلر ندا زینب
بو اشعاری یازان (رزاقی) دور درگاهیوه نوکر
اورکده دردی واردور ایستوری سَندَن دوا زینب
بودور دردی اورکده قبریوه بیرده اولا زوّار
آلا سندن او یرده بیر برات کربلا زینب
- پنج شنبه
- 18
- شهریور
- 1400
- ساعت
- 20:24
- نوشته شده توسط
- یوسف اکبری
- شاعر:
-
ستار رزاقی
ارسال دیدگاه