دیلیم سؤز آچ دیله گل بیرده آشنا آدینا
فدا وجودیم اولا دادلی دل‌ربا آدینا
آدی گؤزلدی اؤزو عالمه اولوب سلطان
ئورک فغانه گلیر ذِکر ائده رضا آدینا
امام هشتمه قلبیم‌ده چوخ ارادت وار
قبول اولار دیله‌سَم هر زمان دعا آدینا
رضا آدین‌دا خدا حکمتین عیان ائلییب
وئریب‌دی چوخ برکت فیض‌لن خدا آدینا
آدین دیله گتیره کیم شَه‌ِ خراسانین
نقدری دردی اولا تئز آلار دوا آدینا
دوشنده مشکله هر یئرده سسلرم آدینی
علاقه‌منددی گؤیلوم او مَه‌لقا آدینا
باشیم‌دا شور امام‌ِرضا غزل یازیرام
عنایت ائیلَه‌سَه شعریم تاپار بها آدینا
«قیزیل‌قلم»قاپی‌سین‌دا قول اولسا فخر ائیلر
جلا تاپار ئور‌ییم شاه اولیا آدینا
آقا عنایت ائله هر ایکی جهان‌دا اؤزون
علاقه باغلامیشام من امام‌رضا آدینا
- چهارشنبه
- 7
- مهر
- 1400
- ساعت
- 22:28
- نوشته شده توسط
- یوسف اکبری
- شاعر:
-
اکبر ستاری
ارسال دیدگاه