عشقه کیم تسلیم اولا وار رتبه سی فرزانه دی
مدعی تاریخ عشقه سن دئمه افسانه دی
بیر اورک کی جایگاه حضرت عشق اولمیا
سن خرابه فرض ائله والله او دل ویرانه دی
قلبیمی هر آن منیم سوز شمادت یاندیریر
ترک ائدوبلر اقربا هامی دییور دیوانه دی
مسجد و دیر و کنشتی ایلسون زاهد مکان
می پرستان جمعینه مسکن فقط میخانه دی
یوخ اجازه هرکسه جانین فدای عشق ائده
آتش عشقه آلیشماخ مسلک پروانه دی
گر قوجالسام دا قوجا وقتیمده عشقیم دستگیر
بیز خرابات اهلینه الده عصا پیمانه دی
درد بی درمانیمه درمان ائدر چشم خمار
زلف افشانون فقط تکجه علاجی شانه دی
طائرم عشقون ایدوب اواره چوللرده اسیر
من کیمین بی خانمانه چشم مستین خانه دی
تقریر ۲۲ ابان ۹۹
#طائر
- جمعه
- 29
- بهمن
- 1400
- ساعت
- 20:34
- نوشته شده توسط
- طائر
- شاعر:
-
طائر اورنگی
ارسال دیدگاه